Flago de Ĉilio

El Vikipedio, la libera enciklopedio
Salti al navigilo Salti al serĉilo
300

La nacia flago de Ĉilio, ankaŭ konata kiel unustela konsistas el du egalaj horizontalaj strioj: blanka en la pinto kaj ruĝa kaj blua kvadrato, kun la sama alteco kiel la blanka strio ĉe la his-flanko, kiu havas blankan kvin-pintan stelon en la centro. Ĝi estis adoptita la 18-an de oktobro 1817.

La stelo reprezentas gvidaĵon por progresi kaj honori; bluo simbolas la ĉielon kaj la Pacifikon, blanko estas por la neĝokovritaj Andoj, kaj ruĝa strio por la sango disverŝita por atingi sendependecon.

Unuavide oni povus aserti, ke la flagoj de Ĉilio kaj de Teksaso havas saman originon, ĉar ambaŭ estas preskaŭ similaj. Tamen, tio ne estas vero. Dum la lukto cele al la sendependiĝo de Ĉilio en la jaro 1817, argentina patrioto pripensis flagon bazita sur antikva verkaĵo kiu kantis la heroaĵojn de la Araŭkanoj. Do, aperis la unua flago flirtigita de la ĉiliaj patriotoj, ene de ĝi videblis tri strioj: blua, blanka kaj ruĝa. Al tiu flago oni aldonis blankan stelon, memore al tiu nomita: “Stelo de la Araŭkanoj”, reprezentaĵo de la planedo Venuso. Do, videble neniu rilato ekzistas inter la teksasa kaj la ĉilia flagoj.[1]

Notoj[redakti | redakti fonton]

  1. José M. Rodríguez, "La Usona Flago, influita kaj influanta simbolo", VENTO, numero 10, Decembro 2021. p. 11.