Ford Motor Company
La entrepreno Ford Motor Company, mallonge Ford, estas usona aŭto-produkta konzerno, kiu fondiĝis en 1903 de Henry Ford en Detroit, Michigan. La konzerno agas mondvaste. Ĝi estas konsiderata unu el la "Grandaj 3 de Detroit" automobilaj firmaoj de Usono, kune kun General Motors kaj Chrysler.
La firmao dum la unuaj dek jaroj de sia ekzisto enkondukis la produkto-proceson de muntoĉeno, kiu draste ŝanĝis la laborkondiĉojn en ĉiuj postaj industriaj entreprenoj, kiuj enkondukis tiun sistemon. La aŭtoj de Ford pro la muntoĉena produktado povis produktiĝi multe pli efike kaj malmultekoste ol antaŭe, samtempe ankaŭ en pli fidinda kvalito. La laboristoj profitis de la muntoĉena produktado, se la produktoritmoj estis realismaj, nur streĉiĝis, kiam ili iĝis tro rapidaj.
Nuntempe Ford post la konzernoj General Motors kaj Toyota estas la monde tria plej granda produktanto de aŭtomobiloj. La konzerna sidejo estas en Dearborn, Michigan. Dum novembro 2003 la tri cent miliona (300.000.000-a !) aŭto de Ford produktiĝis en Dearborn - ruĝa kabrioleto de la marko Ford Mustang. Dum 2004 la konzerno mondvaste vendis 6.798.000 aŭtojn.
Al la konzerno krom la marko Ford ankaŭ apartenas la sekvaj aŭtomobilaj markoj:
- Aston Martin
- Mercury
- Lincoln
- Volvo
- Jaguar vendita al Tata
- Land Rover vendita al Tata
Eksteraj ligiloj
- http://www.ford.com Ĉefa retejo (angla)
- http://www.ford.de/ Paĝo de la konzerno (germana)
