Fräschels

El Vikipedio, la libera enciklopedio
Saltu al: navigado, serĉo
Fräschels
Blazono de Fräschels
Blazono de Fräschels
Kantono Friburgo
Distrikto Lagodistrikto
Koordinatoj  46°59′52″N 7°12′30″O  /  46.99778°N, 7.20833°O / 46.99778; 7.20833 (Fräschels)Koordinatoj: 46°59′52″N 7°12′30″O  /  46.99778°N, 7.20833°O / 46.99778; 7.20833 (Fräschels)
Nombro de enloĝantoj 481
Areo 3,14 km²
Alteco 457 m super marnivelo
Poŝtkodo 3284
Komunumkodo 2258
Mapo de Fräschels
Mapo de Fräschels
v  d  r
Information icon.svg

Fräschels (en la franca lingvo: Frasses (Lac)) estas komunumo en la Lagodistrikto en Kantono Friburgo, Svislando. Ĝi havis 482 loĝantojn je la 31-a de decembro 2010.

Geografio[redakti | redakti fonton]

Fräschels situas en la Granda Marĉo meze inter la urboj Arbergo kaj Morato estante la plej norda komunumo de Kantono Friburgo. Al la komunumo apartenas krom la vilaĝo Fräschels la setlejoj Ziegelei (en okcidento, nomita laŭ la tegelfabriko, kiu situas tie), Oberfeld (en sudo) kaj Chuze (okcidente de la vilaĝo). La ebenaĵo de la komunumo trafluas la Granda Kanalo, kiu senakvigas la ebenaĵon de la Granda Marĉo.[1]

La teritorio de la komunumo etendiĝas sur areo de 3,14 km², de kiuj 17,2% estas kovritaj de arbaro, 71,3% servas por agrikulturo kaj 10,5% por setlado. [2]

Najbaraj komunumoj[redakti | redakti fonton]

La komunumo Fräschels limas en nordo kaj oriento al Niederried ĉe Kallnach (BE), en sudo al Kerzers, kaj en okcidento al Kallnach (BE).

Trafiko[redakti | redakti fonton]

Tra Fräschels pasas la kantona ĉefvojo n-ro 22 de Arbergo tra Kerzers al Morato. La plej proksima alveturejo al la svisa aŭtovojo A1 situas 2 kilometrojn sude de la komunumo en Kerzers. Per stacidomo ĉe la trajnlinio de Bielo al Kerzers la komunumo estas konektita al la publika transportreto.

Historio[redakti | redakti fonton]

La unua dokumenta mencio de Fräschels datiĝas el la jaro 1225 kiel Frescin. Sur la teritorio de la komunumo estis malkovritaj unuopaj objektoj el la neolitiko kaj la Hallstatt-epoko kaj restaĵoj de la romia vojo de Aventicum al Pertinesca. Dum mezepoko Fräschels apartenis al la paroĥo Kärzers. En la 13-a jarcento Fräschels kun Kerzers apartenis al feŭduloj de la Grafoj de Kiburgo kaj fariĝis en la 14-a jarcento havaĵo de la episkopejo Lauzano, kiel feŭdo de la Grafoj de Savojo, kiuj submetis ĝin al la tribunalo de Morato. Dum la Burgundaj Militoj en la jaro 1475 Fräschels kune kun Kerzes kaj Morato estis konkerita de Friburgo kaj Berno fariĝis komuna havaĵo de la du urboj. Dum la Marĉa Milito en la jaro 1795 Kerzers kaj Fräschels disputis kun tri bernaj komunumoj pri teritorio en la Granda Marĉa. La militon ili gajnis, sed arbitra tribunalo poste atribuis la teritoriojn al Berno. Okaze de la Helveta Revolucio de 1798 Fräschels fariĝis parto de Kantono Friburgo kaj estis surbaze de la konstitucio de 1848 atribuita al la Lagodistrikto.[3]

Notoj kaj referencoj[redakti | redakti fonton]

  1. Fonto: (Reta mapo 1:20000 de Swisstopo)
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Ursula Birchler: Fräschels en Historia Leksikono de Svislando (2005-10-31)

Eksteraj Ligiloj[redakti | redakti fonton]