François Louis de Morlan
| François Louis de Morlan | |
|---|---|
| |
| Persona informo | |
| Naskiĝo | 11-an de junio 1771 en Souilly |
| Morto | 5-an de decembro 1805 (34-jaraĝa) en Brno |
| Lingvoj | franca |
| Ŝtataneco | Francio |
| Okupo | |
| Okupo | oficiro |
François-Louis de Morlan, alidire Morland (naskiĝis la 11-an de aŭgusto 1771 en Souilly, mortis la 5-an de decembro 1805 en Brünn, en Ĉeĥio) estis franca militisto.
Milita kariero[redakti | redakti fonton]
Enirinta en la 11-an eskadronon de Kavalerio la 15-an de marto 1791, li estis farita subleŭtenanto la 15-an de septembro, leŭtenanto la 20-an de aŭgusto 1792, kapitano la 11-an de aŭgusto 1793. Li estis vundita per kuglo dum la batalo de Sprimont la 19-an de septembro 1794.
Li fariĝis ĉefo de eskadrono la 6-an de septembro 1801, antaŭ ol eniri la kavalerion de la Gvardio de Konsuloj la 13-an de oktobro 1802. Nomita majoro la 31-an de januaro 1804, li estis promociita kolonelo vickomandanto de la kavalerio de la Imperia Gvardio la 9-an de junio 1805. Morte vundita dum batalo de Austerlitz la 2-an de decembro 1805, li mortis pro siaj vundoj en Brünn la 5-an de decembro[1].
Li estis entombigita en preĝejo Saint-Martin en Souilly.
Honorigoj[redakti | redakti fonton]
- Li estis farita komandoro de la Honora legio la 14-an de junio 1804.
- Li troviĝas inter la 660 personecoj kies nomo estas gravurita sur Triumfa Arko de Parizo (18-a kolumno).
- Bulvardo Morland en la 4-a arondismento de Parizo portas lian nomon.
- Metrostacio de Parizo Sully - Morland portas lian nomon.
Referencoj[redakti | redakti fonton]
- ↑ Frédéric Lewino kaj Gwendoline Dos Santos (1 decembro 2012). 2 décembre 1805 : Tombé à Austerlitz, le colonel Morland est embaumé sur ordre de Napoléon. Le Point. Alirita 4 majo 2019.
Bibliografiaj fontoj[redakti | redakti fonton]
- Pawly, Ronald; COURCELLE, Patrice. (2008) Napoleon's Mounted Chasseurs of the Imperial Guard. Osprey Publishing, p. 48. ISBN 9781846032578.
- Lapray, Olivier (junio 2011). “Charles-Henry Delacroix, capitaine des chasseurs à cheval de la Garde des Consuls”, Soldats napoléoniens.
- Lapray, Olivier (januaro 2014). “Les Chasseurs à cheval de la Garde impériale”, Soldats napoléoniens.