Frantz Friderich
| Frantz Friderich | ||
|---|---|---|
| Persona informo | ||
| Naskiĝo | 1-an de januaro 1520 en Orienta Germanio | |
| Morto | 1-an de januaro 1584 (64-jaraĝa) en Frankfurto ĉe Odro | |
| Lingvoj | germana vd | |
| Ŝtataneco | Sankta Romia Imperio  vd | |
| Profesio | ||
| Okupo | kuprogravuristo • medalisto • ksilografiisto • oraĵisto vd | |
| Aktiva en | Frankfurto ĉe Odro vd | |
| vd | Fonto: Vikidatumoj | |
Frantz FRIDERICH (ankaŭ Franz Friedrich; naskiĝinta ĉ. 1520 en Orienta Germanujo, mortinta en 1584 en Frankfurto ĉe Odro) estis germana medalisto kaj gravuristo tiel ligna kiel kupra.[1]
Vivo
[redakti | redakti fonton]Laboris Friderich kiel grafikisto en la ateliera rondo de Lucas Cranach la Maljuna kaj Lucas Cranach la Juna en Wittenberg. Post la venko de la trupoj de imperiestro Karlo apud Mühlberg, Friderich fuĝis en la universitaturbon Frankfurto. Verŝajne antaŭe li estis ellerninta ĉe Hans Schenck la arton krei belajn medalojn. Frankfurte li tuj trovis dungiĝon. Tio lin konatigis ĉe la brandenburgia kortego kaj inter altlernejanoj ĝenerale.
Pro la alta kvalito de siaj produktoj li vokiĝis al la kortegoj de Krakovo, Kenigsbergo, Gottorf, Brunsvigo-Luneburgo, Szczecin, Meklenburgo, Anhaltio-Dessau kaj Stolberg. Ankaŭ nesekularaj regantoj interesiĝis pri li, ekz. eklezianoj en Majenco kaj Halberstadt. De li konserviĝis multaj gapmoneroj, lignogravuraĵoj kaj kuprogravuraĵoj portretigaj. Lia graveco ja rompis la regionan sferon.
Paralele li laboris por la oficinoj de la presisto Johann Eichorn. Por li Friderich elfaris tipe malfrurenesancajn libro-ilustraĵojn. Ekzemplo tre menciinda estas liaj verkoj por Frau Musica (1573), en kiuj senteblas bonege majstreco superanta tiun de la samtempuloj. Estante al la sojlo de baroko li liveris vizaĝportretojn vere impresajn. Tamen ili neniam perdis iajn modestecon kaj aŭtentikecon. Signaturo lia estis FF; li presiĝ-pretigis krome multajn blazonojn.
Galerio
[redakti | redakti fonton]
Jodocus Willich, multklerulo
Christoph Stymmelius, verkisto kaj teologo
Joakimo la 2-a (Brandenburgio) preĝante malpost la Krucumito (1562), margrafo kaj elektisto
Johano Georgo (Brandenburgio) (1572), margrafo kaj elektisto
Musculus en la aĝo de 63 jaroj (1577)
Leonhard Thurneysser je ties Archidoxia (1575)
Heinrich Paxmann, medicinisto kaj moralisto (1580)
Ludolph Schrader, universitatrektoro en Frankfurto (1581)
Eksteraj ligiloj
[redakti | redakti fonton]- ligiloj ĉe DDB
- Grimm, Heinrich: "Friderich, Frantz" - ĉe: Neue Deutsche Biographie, 5 (1961), p. 436-437
- verkoj de Frantz Friderich ĉe Zeno.org
- verkoj de Frantz Friderich ĉe britishmuseum.org
Notoj
[redakti | redakti fonton]- ↑ Heinrich Grimm: Der Medailleur, Holzschneider und Kupferstecher Frantz Friderich. Ein ostdeutscher Buchgraphiker des 16. Jahrhunderts", ĉe: Gutenberg-Jahrbuch, 1956, p. 205–215