Freedom Park (Sud-Afriko)
| Freedom Park | |||
|---|---|---|---|
  | |||
| muzeo de historio milita muzeo  | |||
| Lando | Sud-Afriko vd | ||
| Situo | Pretorio | ||
| Estiĝo | 2004 | ||
| Koordinatoj | 25° 46′ 1″ S, 28° 11′ 20″ O (mapo)-25.76728.1888Koordinatoj: 25° 46′ 1″ S, 28° 11′ 20″ O (mapo) | ||
| |||
 | |||
| Retpaĝo | http://www.freedompark.co.za/ | ||
Libereca Parko (angle Freedom Park) estas parko situanta sur Salvokop en Pretorio. Ĝi inkluzivas monumenton kun listo de la nomoj de tiuj, kiuj mortis en la Sudafrikaj Militoj, la Unua Mondmilito, la Dua Mondmilito, kaj ankaŭ dum la apartismo. [1]
Priskribo
[redakti | redakti fonton] |
|
La projekto komenciĝis la 1-an de junio 2000 responde al la Komisio por Vero kaj Repaciĝo de Sud-Afriko. La loko por la Parko de Libereco estis monteta areo ĉe la periferio de la ĉefurbo, Pretorio. La parko estis konstruita inter julio 2003 kaj marto 2004. La memorĝardeno estis inaŭgurita la 8-an de marto fare de Thabo Mbeki.
La parko estas dediĉita al celebrado de la heredaĵo de Sud-Afriko, kaj celas esti centro de scio celanta krei pli bonan komprenon pri la lando kaj ĝiaj homoj. La celo estas trakti la mankojn, misprezentojn kaj antaŭjuĝojn de la pasinteco, proponi novajn perspektivojn pri la heredaĵo de Sud-Afriko kaj defii tradiciajn kredojn pri la sud-afrika historio per reinterpreto de la ekzistantaj heredaĵejoj de la lando.
Ĉi tiu heredaĵa medio ankaŭ klopodas akomodi ĉiujn disvolviĝantajn spertojn kaj simbolojn de la lando por rakonti unu koheran historion pri la homa lukto por libereco en Sud-Afriko - la lukto por pretervivo, tero kaj resursoj, kaj kiel tio formis la socian, ekonomian, politikan, kulturan kaj historian pejzaĝon de la lando.
Freedom Park ankaŭ elstarigas la rolon de Sud-Afriko en la apero de fruaj vivoformoj kaj pli postaj hominidoj, el kiuj kelkaj evoluis al moderna Homo sapiens, spurante signojn de homa evoluo trovitajn en Sud-Afriko - inkluzive de vivoformoj kaj geologiaj formacioj datantaj 3.6 miliardojn da jaroj kaj trovitaj en Barberton (konsiderata unu el la plej malnovaj lokoj sur la Tero).
Nomoj
[redakti | redakti fonton]En marto 2009, oni proponis nomi la parkon laŭ 24 homoj, kiuj perdis siajn vivojn en la lukto por libereco. Kelkaj el ili estis Steve Biko, Oliver Tambo, Helen Joseph, Albert Lutuli kaj Bram Fischer.
Ankaŭ estas inkluditaj la nomoj de aliaj gvidantoj, kiuj batalis por la sendependeco de Sud-Afriko aŭ por la libereco de aliaj, kiuj estis subpremataj. Ĉi tiuj gvidantoj estas Samora Machel kaj Amílcar Cabral. Aliaj inkluditaj nomoj estas Che Guevara kaj Toussaint Louverture, kiuj batalis en la haitia sendependeca movado. [2]
Referencoj
[redakti | redakti fonton]- ↑ Freedom Park.co.za. [rompita ligilo]
- ↑ Trust Honours Struggle Heroes[rompita ligilo] March 18, 2009
Eksteraj ligiloj
[redakti | redakti fonton]- Libereca ParkoArkivigite je 2015-12-31 per la retarkivo Wayback Machine 360 Virtuala travojaĝo pr vizita Pretorio
- Konkurso por la Desegno de la Libereca Parko en Pretorio
- Libereca Parko ciferecaj kolektojn gastigita de UCLA cifereca Biblioteko