Georgia Hale

El Vikipedio, la libera enciklopedio
Jump to navigation Jump to search
Georgia Hale
Georgia Hale - The Gold Rush 1925 (02) wmplayer 2013-07-04.jpg
Personaj informoj
Naskiĝo 25-an de junio 1900
en Sankta Jozefo
Morto 7-an de junio 1985 (1985-06-07)
en Holivudo
Ŝtataneco Usono
Profesio aktoro, filmaktoro
Lingvoj angla lingvo
v  d  r
Information icon.svg

Georgia Theodora Hale (naskiĝis la 25-an de junio 1900[1][2][3][4], mortis la 17-an de junio 1985) estis fama aktorino de la epoko de la mutaj filmoj.

Kariero[redakti | redakti fonton]

Hale estis Miss Ĉikago 1922[5] kaj konkurencis por Miss America.[6] Ŝi ekaktoradis komence de la 1920-aj jaroj, kaj atingis unu el siaj plej elstaraj sukcesoj per sia rolo en la filmo de Charlie Chaplin nome The Gold Rush (1925). Ŝi ludis la rolon de Myrtle Wilson en la unua filmita versio (1926) de The Great Gatsby, nuntempe konsiderita perdita.

Chaplin dungis Hale por sia filmo bazita sur ŝia ludado en la filmo The Salvation Hunters, kiu publikiĝis same en 1925. The Gold Rush tuj faris ŝin stelulinon, sed ŝi ne povis survivi al la transiro el muta al la sonkino, kaj ŝi ne aktoris en filmoj post 1928. La dokumenta filmo Unknown Chaplin montris, ke Hale estis dungita de Chaplin por anstataŭi la aktorinon Virginia Cherrill kiel ĉefa ina rolo en la filmo City Lights (1931) dum mallonga periodo post li maldungis Cherrill (kaj antaŭ li re-dungis ŝin).[7]

Persona vivo[redakti | redakti fonton]

Hale estis kunulino de Chaplin fine de la 1920-aj kaj komence de la 1930-aj jaroj. Ŝi instruis dancon, kaj poste riĉiĝis pere de investado en nemoveblaĵoj en Suda Kalifornio.[8] Ŝi neniam edziniĝis, sed ŝi vivis kun kunulo dum la lastaj dekkvin jaroj de sia vivo, kaj li ricevis plej el ŝia heredo post ŝia morto la 17an de Junio, 1985.[9]

Laŭ sia memorverko, ŝi iĝis sekvanto de la Kristana Scienco. Hale renkontiĝis kun Chaplin dum lia mallonga reveno al Usono en 1972.

Verkoj[redakti | redakti fonton]

ŝi rakontis arde pri sia epoko kun Chaplin en Unknown Chaplin (Nekonata Ch.). Ŝi verkis ankaŭ libron pri siaj spertoj kun li, Charlie Chaplin: Intimate Close-Ups. Verkita en la 1960-aj jaroj, ĝi ne estis publikigita ĝis 1995, unu jardekon post ŝia morto, kiam Heather Kiernan eldonis la manuskripton kaj ĝi estis publikigita de The Scarecrow Press.[10]

Kelkaj filmoj[redakti | redakti fonton]

  • The Gold Rush (1925)
  • The Salvation Hunters]] (1925)
  • The Great Gatsby (1926)
  • Hills of Peril (1927)
  • A Woman Against the World (1928)
  • The Rawhide Kid (1928)
  • A Trick of Hearts (1928)

Notoj[redakti | redakti fonton]

  1. 1910 U.S. Census, Chicago, Cook County, IL (April 18, 1910), Enumeration District 1351, sheet 2B; Georgia Hale, age 9 (daughter) living with George (head) and Lura (wife) Hale.
  2. 1920 U.S. Census, Chicago, Cook County, IL (14a de Januaro, 1920), Enumeration District 1999, sheet 12A; Georgia Hale, age 19 (daughter) living with George (head) and Lura (wife) Hale.
  3. 1940 U.S. Census, Los Angeles, Los Angeles County, CA (8a de Aprilo, 1940), Enumeration District 16, sheet 4A; Georgia Hale, age 39 (head; occupation: author & actress) living with George (father) and Lura (mother) Hale.
  4. Hale, Georgia (1999). Intimate close-ups. Lanham, Maryland: Scarecrow Trade. pp. x. (ISBN 1-57886-004-0).
  5. Laurie Goering (March 25, 1990)Mere Beauty Doesn't Win Pageant. Chicago Tribune. Alirita 17a de Decembro, 2011.
  6. Felicia FeasterThe Gold Rush. Turner Classic Movies. Alirita 17a de Decembro, 2011.
  7. Darrell Hartman (21a de Decembro, 2007)Chaplin's Triumphant Lady and the Tramp. New York Sun. Alirita 17a de Decembro, 2011.
  8. Lamparski, Richard. Whatever Became of...?. Eleventh Series. New York: Crown Publishers Inc. paĝoj 68-69
  9. Lamparski, p. 69
  10. HALE, Georgia. (1999) Intimate close-ups. Lanham, Maryland: Scarecrow Trade, p. x. ISBN 1-57886-004-0.

Eksteraj ligiloj[redakti | redakti fonton]