Geosinkrona orbito

El Vikipedio, la libera enciklopedio
Salti al navigilo Salti al serĉilo
Animado montranta geosinkronan sateliton orbitantan la Teron.

Geosinkrona orbito (foje mallongigita GSO) estas Tero-centrita orbito kun orbita periodo kiu kongruas kun la rotacio de Tero sur ĝia akso, de 23 horoj, 56 minutoj kaj 4 sekundoj (unu sidera tago). La sinkronigado de rotacio kaj orbita periodo signifas, ke, por observanto sur la surfaco de Tero, objekto en geosinkrona orbito revenas precize al la sama pozicio en la ĉielo post periodo de unu sidera tago. Dum daŭro de tago, la pozicio de la objekto en la ĉielo povas resti senmova aŭ trakuri vojon, tipe en 8-figura formo, kies precizaj trajtoj dependas de la klino de la orbito kaj discentreco. Cirkla geosinkrona orbito havas konstantan altecon de 35,786 km.

Speciala okazo de geosinkrona orbito estas la terfiksa orbito, kiu estas cirkla geosinkrona orbito en la ekvatora ebeno de la Tero. Satelito en terfiksa-orbito restas en la sama pozicio en la ĉielo al observantoj sur la surfaco. Populare la termino geosinkrona povas esti uzata interŝanĝe kun terfiksa.

Komunikaj satelitoj ofte estas terfiksaj aŭ proksime al terfiksaj orbitoj, tiel ke la surteraj satelitaj antenoj, kiuj komunikas kun ili, ne devas moviĝi, sed povas esti direktitaj konstante ĉe la fiksita loko en la ĉielo, kie la satelito aperas.