Giovanni Marinelli

El Vikipedio, la libera enciklopedio
Salti al navigilo Salti al serĉilo
Giovanni Marinelli
Giovanni Marinelli.jpg
Personaj informoj
Naskiĝo 18-an de oktobro 1879 (1879-10-18)
en Adria
Morto 11-an de januaro 1944 (1944-01-11) (64-jara)
en Verono
Kaŭzo de morto pafekzekutado
Ŝtataneco Itala reĝlando
Profesio politikisto
Lingvoj itala lingvo
v  d  r
Information icon.svg

Giovanni MARINELLI (Adria, Veneto, 18a de oktobro 1879 - 11a de januaro 1944) estis itala faŝisma politikisto.

Biografio[redakti | redakti fonton]

Li estis riĉulo kaj kontribuis al la faŝisma sukceso financante la disvolvigon de la Marŝado al Romo, spite la fakton ke li havis liberecanajn ideojn dekomence. Sekretario de la Nacifaŝisma Partio, li kreis la Ceka, nome sekreta polico bazita sur la modelo de la soveta Ĉeka. La Ceka tuj iĝos terorista roto, respondeca ekzemple de la murdo de Giacomo Matteotti, elstara membro de la opozicio al la faŝisma reĝimo.

Juĝita kaj esplorita pro lia kapto (sed ne pro la murdo), Marinelli estis defendita de Roberto Farinacci kaj li ricevis malpezan punon. Lia amikeco kun Benito Mussolini permesis, ke li eĉ ne plenumis ĝin totale. Li restis eksterpolitike dum la plej parto de la du jardekoj de la reĝimo, kaj ŝajne li estis en la opozicio interne al Mussolini (ankaŭ ene de la partio).

Kiel membro de la Granda Faŝisma Konsilantaro, la 25a de julio 1943 aliĝis al la puĉo preparita de Dino Grandi kontraŭ Mussolini. Kiam la nazioj helpis Mussolini restarigi sian povon en la nordo de Italia, kiel estro de la Itala Sociala Respubliko, Marinelli estis kondamnita pro perfido dum la Proceso de Verono kaj ekzekutita per pafado la 11an de januaro 1944, kun la iama Ministro de Eksteraj Aferoj, Galeazzo Ciano kaj la marŝalo Emilio de Bono, inter aliaj.

Bibliografio[redakti | redakti fonton]

  • "Giovanni Marinelli" de Ivanoe Fossani - Hnos. Palombi Editores - Roma