György Nanovfszky

El Vikipedio, la libera enciklopedio
Saltu al: navigado, serĉo
György Nanovfszky

diplomato Flag of Esperanto.svg
Personaj informoj
Naskiĝo 10-an de marto 1942.
en Hungario, Budapeŝto
Nacieco Flago-de-Hungario.svg Hungaro
Lingvokapablo Esperanto
v  d  r
Information icon.svg
Florkronumado de gastesperantistoj en urbo Dombóvár, okaze de inaŭguro de memortabulo pri Sándor Giesswein, la 14-an de aprilo 2012.[1]


NANOVFSZKY György [nanovski djordj] (naskiĝis en Budapeŝto, 10-an de aprilo 1942. estas hungara esperantisto kaj eksa diplomato. Li deĵoris interalie kiel ambasadoro de Hungario en Moskvo (1992-1998) kaj en Singapuro (2002-2005).

Biografio[redakti | redakti fonton]

Esperanton li lernis en kursoj de Julio Baghy kaj Alfonz Pechan. Ekzameniĝis pri lingva kapableco en 1958. Ekde tiam li aktivas movade kaj publikigas verkojn, artikolojn kaj tradukojn. Li estis prezidanto de Studenta E-Klubo en Budapeŝto 1958-1960 kaj kunorganizanto de la 51-a IFEF-kongreso en 1962 en Budapeŝto. De 1963 ĝis 1968 li aktivis en la Moskva E-klubo "Fajrero", vizitante la renaskiĝintajn klubojn en Siberio, Kaŭkazio, Leningrado (la nuna Sankt-Peterburgo) kaj Irkutsko. Nanovfszky doktoriĝis pri ĝenerala lingvistiko en la Budapeŝta Universitato ELTE en 1973. Li estis funkciulo de KUNKD (Konferenco de la Unuiĝintaj Nacioj pri Komerco kaj Disvolvado) en Ĝenevo 1982-85, ankaŭ reprezentante UEA ĉe UN en Ĝenevo. De 1983 ĝis 1988 li estis ĉefredaktoro de la revuo Planlingvistiko.

Kiel hungara ambasadoro en Moskvo 1992-98 Nanovfszky helpis reaktivigi la movadon en Moskvo kaj tutlande. Li estis profesoro de la Moskva internacia universitato JUSTO 1994-2011. En 1996 li doktoriĝis pri politologio en la Rusia Akademio de Sciencoj. Membro kaj profesoro de AIS li estas ekde 1998. Kiel ambasadoro en Singapuro 2002-2005 li aktivigis lokajn esperantistojn organizante regulajn renkontiĝojn. Ekde 1998 ĝis 2006 li estis prezidanto de Hungara Esperanto-Asocio (HEA) kaj ties komitatano A en UEA. En 2007 li fariĝis honora prezidanto de HEA kaj en 2012 honora membro de UEA.[2]


Verkoj[redakti | redakti fonton]

  • "Kultúra, viselkedés és szokások", 1992 (Sama libro aperis sub nomo "Szavak, jelek, szokások" (Vortoj, signoj, moroj) en 1998) (Kulturo, konduto kaj moroj)
  • "Oroszország 1995" (Rusio 1995)
  • "Finnugorok világa" 1996 (Mondo de la Finnugroj)
  • "Kereszténység, katolicizmus, ortodoxia" 1996 (Kristanismo, katolikismo, ortodoksismo)
  • "Nyelvrokonaink" 2000 (en la rusa 2000,en la angla 2004) (Niaj lingvoparenculoj)
  • "Kommunikáció & információ" 2007 (Komunikado kaj informado)
  • "Vallástörténeti Olvasókönyv" 2008 (Religihistoria legolibro)
  • "Nemzetközi Szervezetek" 2008 (Internaciaj organizoj)

Tradukaĵo[redakti | redakti fonton]

En tiu ĉi artikolo estas uzita traduko de teksto el la artikolo Nanovfszky György en la hungara Vikipedio.

Referencoj[3][redakti | redakti fonton]

  1. Sereghyné Zengő Enikő, ano de la prezidantaro de Hungaria Esperanto-Asocio, kun Könczöl Ernő, la delegito de Verda Stelo Egri Esperanto Klubo, kaj Nanovfszky György, diplomato, dum la inaŭguro de Giesswein Sándor-memortabulo - Dombóvár.
  2. Gazetaraj Komunikoj de UEA: N-ro 463 (2012-07-30)
  3. Pli da detaloj en la hungara varianto.

Vidu ankaŭ[redakti | redakti fonton]

Memortabulo de Sándor Giesswein

Eksteraj ligiloj[redakti | redakti fonton]