Henry Benjamin Hyams

El Vikipedio, la libera enciklopedio
(Alidirektita el H. B. Hyams)
Salti al navigilo Salti al serĉilo
Henry Benjamin Hyams
H. B. Hyams.jpg
Persona informo
Aliaj nomoj Tagulo
Lingvoj Esperanto
Ŝtataneco Unuiĝinta Reĝlando
Profesio
Profesio gravuristo • esperantistoverkisto
Information icon.svg
vdr

Henry Benjamin HYAMS (pseŭdonime: Tagulo; naskiĝis en 1879 aŭ januaro 1880 en Hackney[1], mortis en 1965) estis angla arkitektura desegnisto, pentristo, esperantlingva verkisto kaj esperantisto.

Hyams kunlaboris al Internacia Socia Revuo; al Antaŭen, la organo de Libera Esperanto-Asocio por germanlingvaj teritorioj, suborganizaĵo de Sennacieca Asocio Tutmonda; kaj post la dua mondmilito al Sennacieca Revuo.

Henry Hyams, aŭ pseŭdonime Tagulo.

Nova Sento[redakti | redakti fonton]

En 1915 Tagulo verkis originale la romanon Nova Sento, kiu havigis al li niĉeton en la esperantlingva literatura historio, ĉar kun la antaŭmilitaj romanoj de Henri Vallienne kaj Heinrich August Luyken ĝi helpis konduki nian originalan literaturon el ĝia legoteksta junaĝo. Tagulon ĉefe inspiris liaj teozofiaj konvinkoj pri la esenco de la vivo, sed Nova Sento propagandis plurajn ideojn malpli mistikajn, kiuj poste trovis pli ĝeneralan atenton, eĉ aprobon, ekzemple la Ligo de Nacioj, senarmiĝo, vegetarismo, socialismo kaj certaj reformoj malliberejaj, kiajn en la 1930-aj jaroj oni provis ekapliki en Sovetunio.

Entute la ismoj ŝajnas fantazie miksitaj en lia romano, sed aparte ili prezentas multon pripensindan. La animo de londona senlaborulo teozofie reenkorpiĝas sur Marson, kie Tagulo imagis sian utopion. Memorante la mizerojn, kiuj malbeligas la homan "civilizon", la reenkorpigito povas kontrastigi ilin kun la feliĉa socio, kiun la marsanoj konstruis per racia ekonomio kaj simpligita vivmaniero.

Referencoj[redakti | redakti fonton]

  1. Railway Tavern, 339 Mare Street, Hackney E8 (angle). UK Pub history research and London historical street directory (2017-12-12). Alirita 2018-04-19.