Hallwil
|
Por samtitola artikolo vidu la paĝon Hallwil (stacidomo). |
| Hallwil | |
|---|---|
| Kantono | Argovio |
| Distrikto | Lencburgo |
| Koordinatoj | 47° 19′ 50″ N 8° 10′ 43″ O / 47.33056 °N, 8.17861 °O (mapo)Koordinatoj: 47° 19′ 50″ N 8° 10′ 43″ O / 47.33056 °N, 8.17861 °O (mapo) |
| Nombro de loĝantoj | 740 |
| Areo | 2,18 km² |
| Alteco | 475 m super marnivelo |
| Poŝtkodo | 5705 |
| Komunumkodo | 4197 |
Pri la komunumo[redakti | redakti fonton]
Hallwil estas komunumo en la distrikto Lencburgo de Kantono Argovio (Svislando). Ĝi havis 740 loĝantojn je la 31-a de decembro 2008.
Geografio[redakti | redakti fonton]
Hallwyl situas en la valo Seetal ĉe la orienta bordo de la rivero Aabach proksimume tri kilometrojn norde de la Lago de Hallwil.
La teritorio de la komunumo etendiĝas sur areo de 2,18 km², de kiuj 0,28 km² estas kovritaj de arbaro kaj 0,43 km² de konstruaĵoj. La plej alta punkto de la komunumo situas sur alteco de 560 m s.m. kaj la plej malalta punkto sur alteco de 441 m s.m. ĉe la bordo de la rivero Aabach.
Najbaraj komunumoj[redakti | redakti fonton]
La komunumo Hallwil limas en nordo al Seon, en oriento al Seengen, en sudo al Boniswil, kaj en okcidento al Dürrenäsch.
Trafiko[redakti | redakti fonton]
Hallwil situas ĉe la trajnlinio de Svisaj Federaciaj Fervojoj de Lencburgo al Lucerno, la tiel nomita Seetal-Fervojo.
Tra la komunumo pasas la kantona ĉefvojo de Lencburgo tra Hochdorf al Lucerno. La plej proksima alveturejo al la svisa aŭtovojo A1 troviĝas 10 kilometrojn sude en Lencburgo.
Historio[redakti | redakti fonton]
La unua dokumenta mencio de Hallwil datiĝas el la jaro 1167 kiel Allewilare. De 1560 ĝis 1950 la oficiala nomo de la komunumo estis Niederhallwil.
En mezepoko en Hallwil unue regis la Grafoj de Lencburgo, ilin sekvis en la jaro 1773 la Grafoj de Kiburgo kaj en la jaro 1264 ties heredantoj, la Habsburgoj. En ties nomoj la habsburgaj vasaloj, la Senjoroj de Trostburg kaj ek de 1326 la Senjoroj de Liebegg plenumigis la malaltan jurisdikcion en la loko.
En la jaro 1415 la Svisa Ĵurkomunumo konkeris Argovion kaj Hallwil fariĝis parto de la berna regejo, nome de Berna Argovio. La senjoreco Trostburg jam en la jaro 1346 transiris al la Senjoroj de Rinach kaj en la jaro 1486 al la Senjoroj de Hallwyl. Ili vendis sian havaĵon en Hallwil en la jaro 1616 al la urbo Brugg. Ĉar Berno tamen ne toleris la potencokreskon de Brugg, ĝi transprenis la jurisdikcion rekte kaj kreis la tribunaldistrikton Trostburg, kiu estis subvoktejo de la voktejo Lencburgo.
Kiam en la jaro 1798 okaze de la Helveta Revolucio francaj trupoj liberigis Argovion, Hallwil fariĝis komunumo de la distrikto Lencburgo en la nove fondita Kantono Argovio.
Vidu ankaŭ[redakti | redakti fonton]
- Lago de Hallwil (la lago situas 3 kilometrojn sude de la komunumo)
- Kastelo Hallwyl (situas en la najbara komunumo Seengen)
- Hallwil (stacidomo)
Eksteraj ligiloj[redakti | redakti fonton]
- Oficiala retejo de la komunumo Hallwil Arkivigite je 2009-05-04 per la retarkivo Wayback Machine
- Retejo de la Lernejo Hallwil
- Hallwil en la Historia Leksikono de Svislando
| Distrikto Lencburgo | |
|---|---|
 |
 |
Ammerswil - Boniswil - Brunegg - Dintikon - Egliswil - Fahrwangen - Hallwil - Hendschiken - Holderbank - Hunzenschwil - Lencburgo - Meisterschwanden - Möriken-Wildegg - Niederlenz - Othmarsingen - Rupperswil - Schafisheim - Seengen - Seon - Staufen
 Komunejo proponas multimediajn dosierojn al temo sub la gloso Hallwil
|
|