Ĝermolisto de iranaj esperantistoj

From Vikipedio
(Redirected from Hamzeh Ŝafii)
Jump to navigation Jump to search
Enhavo: A B C Ĉ D E F G Ĝ Ĥ H I J Ĵ K L M N O P R S Ŝ T U Ŭ V Z

A[edit | edit source]

Ĝamŝid Ahmadi[edit | edit source]

Ĝamŝid AHMADI estas irana esperantisto, kiu naskiĝis en 1966 en provinco okcidenta Azerbajĝano de Irano kaj nun laboras kiel kuracisto en Karaĝ. Li estis fondomembro de IREJO kaj membro de ties estraro dum la unuaj du jaroj de ties ekzisto (1993-95).

Ŝirin Ahmadnia[edit | edit source]

Doktorino Ŝirin AHMADNIA estas sociologo kaj ekde sia junaĝo estas aktiva esperantistino. Ŝiaj poemoj originalaj kaj artikoloj plurfoje aperis en la revuo Irana Esperantisto. Ŝi instruas sociologion en la universitato Allame Tabatabi de Teherano.

Golam Reza Azrahuŝang[edit | edit source]

Golam Reza AZRAHUŜANGAZARHUŜANG (ambaŭ literumoj ripete uzatas en la revuo Irana Esperantisto) estas irana esperantisto, kiu en la 2000-aj kaj 2010-aj jaroj regule kontribuas al la kultura sezon-revuo Irana Esperantisto.

B[edit | edit source]

Abbas Bagestani[edit | edit source]

Abbas BAGESTANI estas irana esperantisto, kiu en 1993 estis inter la kunfondintoj de IREJO kaj en 1996 same inter la kunfondintoj de Irana Esperanto-Asocio. Plurajn jarojn ekde la fondiĝo li funkciis kiel kasisto kaj ĝenerala sekretario de IREJO.[1]

D[edit | edit source]

Alireza Doŭlatŝahi[edit | edit source]

Alireza DOŬLATŜAHI (ankaŭ latinliterigata Dowlatshahi, naskiĝis en 1967 en Teherano) estas irana esperantisto, poeto, verkisto, tradukisto, specialisto pri polaj studoj kaj bibliotekisto. En la 2000-aj kaj 2010-aj jaroj li regule kontribuas al la kultura sezon-revuo Irana Esperantisto.

H[edit | edit source]

Abdollah Hakimneĵad[edit | edit source]

Abdollah HAKIMNEĴAD estas irana esperantisto, kiu en 1993 estis inter la kunfondintoj de IREJO. Plurajn jarojn ekde la fondiĝo li funkciis kiel vicgvidanto de IREJO, kaj respondecis pri istruado kaj universitataj rilatoj.[1]

Ĥ[edit | edit source]

Abbas Ĥosroabadi[edit | edit source]

Abbas ĤOSROBADI estas irana esperantisto, kiu en 1996 estis inter la kunfondintoj de Irana Esperanto-Asocio.

J[edit | edit source]

Ahmed Jazdani[edit | edit source]

Ahmed JAZDANI (naskiĝis en 1892, mortis la 5-an de julio 1977 en Teherano) estis dumviva membro de UEA kaj dum pli ol kvindek jaroj apoganto kaj delegito de UEA.

K[edit | edit source]

Azar Karimi[edit | edit source]

Azar (Zahra) KARIMI estas irana esperantistino, kiu en 1996 estis inter la kunfondintoj de Irana Esperanto-Asocio.

Reza Kheir-Khah[edit | edit source]

Reza KHEIR-KHAH [Reza Ĥejr-Ĥah] estas irana esperantisto, kiu ekde la 1990-aj jaroj unue vivis en Japanio, nun en Tajvano. Li listiĝas kiel membro de la Internacia Rajtigita Ekzamenantaro, kaj laŭ la stato de 2016 estas la sola komisionano en Tajvano. En 1993 la eldonejo Libroteko Tokio publikigis lian libron Leteroj el Japanio.

M[edit | edit source]

Asad Mahbub[edit | edit source]

Asad MAHBUB estas irana esperantisto, kiu en la 2000-aj kaj 2010-aj jaroj regule kontribuas al la kultura sezon-revuo Irana Esperantisto.

Morteza Mirbagian[edit | edit source]

Morteza MIRBAGIAN (ankaŭ latinliterigata MIRBAQIAN) estas irana esperantisto, kiu en la 2000-aj kaj 2010-aj jaroj regule kontribuas al la kultura sezon-revuo Irana Esperantisto. Aparte konatas lia esperantigo de iranaj proverboj - pri tio vidu la Proverboj de Morteza Mirbagian en la vikipedia artikolo "proverbo". Krome inter alie li redaktis la perslingvan parton de la libro La Idealo kaj la Realo de Internacia Lingvo de 1992.

Mahmud Mirbozorgi[edit | edit source]

Mahmud MIRBOZORGI naskiĝis en 1969 kaj komencis lerni Esperanton en 1990. Eksa aktivulo de Irana Esperantista Junulara Organizo (IREJO), li tradukis kelkajn mallongajn rakontojn el la persa lingvo. Li kunlaboris por pres-pretigo de "Esperanto-Persa Vortaro" de Aref Azari.

R[edit | edit source]

M. Reza Rahvar[edit | edit source]

M. Reza RAHVAR (naskiĝis en 1970 en Tabrizo) estas irana esperantisto kaj individua membro de UEA. Dum longa tempo propagandis Esperanton kaj varbis multajn lingvanojn. Li skribis perslingvajn artikolojn por konatigi la lingvon al la publiko.

S[edit | edit source]

Ĵila Sedighi[edit | edit source]

Ĵila SEDIGHI estis la dua UEA-ĉefdelegitino en Irano, oficinta inter la jaroj 1986 kaj 1996. Ŝi ankaŭ multajn jarojn estis (kaj eventuale daŭre estas) Esperanto-instruistino.

Javad Rafi-Zadeh Shahi[edit | edit source]

Javad Rafi-Zadeh SHAHI (naskiĝis en 1933, mortis en julio 1989 post longa malsano) estis irana esperantisto kaj dum pluraj jaroj estis la UEA-delegito en Teherano, Irano.

Ŝ[edit | edit source]

Hamzeh Ŝafii[edit | edit source]

Hamzeh ŜAFII (naskiĝis en 1965) estas irana esperantisto kaj inĝeniero pri telekomunikado. Unu el la aktivuloj de IREJO kaj ĝia sekretario. UEA fakdelegito ekde 1997. Vicprezidanto de Irana Esperanto-Asocio.

T[edit | edit source]

Reza Torabi[edit | edit source]

M. Reza TORABI (naskita en 1968) estas irana esperantisto kaj aktivulo ekde la jaro 1992. Li estis motora fondinto de Irana Esperantista Junulara Organizo (IREJO) en 1993 kaj de Irana Esperanto-Asocio (IREA) en 1996. Ekde 1994 li estis komitatano kaj inter 1997 kaj 1999 estrarano de la Tutmonda Esperantista Junulara Organizo. Ekde 1994 li instruas Esperanton aŭ en kulturcentroj de Teherano aŭ en la oficejo de IREJO kaj IREA. Krome li inter alie funkcias kiel ĉefredaktoro de la revuo Irana Esperantisto, kiel IREA-komitatano, UEA-komitatano kaj membro de la Azia Komisiono de UEA. Ekde 2005 li studis interligvistikon en la Universitato Adam Mickiewicz de Poznano, kaj Ekde 2006 plurajn jarojn estis sekretario de la Internaciaj Ekzamenoj de ILEI kaj UEA. Li nune loĝas en Teherano.

Notoj[edit | edit source]