Heinrich Petri
| Henricus Petrus (1508-1579) | ||
|---|---|---|
_(cropped).jpg) "Pri la revolucio de la ĉielaj globoj", verko de Nikolao Koperniko eldonita de Heinrich Petri, en 1566.
| ||
| Persona informo | ||
| Naskiĝo | 1508 en Bazelo, Svisio | |
| Morto | 24-a de aprilo 1579 en Bazelo, Svisio | |
| Lingvoj | germana vd | |
| Ŝtataneco | Svislando  vd
| |
| Familio | ||
| Infanoj | Sebastian Henricpetri (mul)  vd
| |
| Profesio | ||
| Okupo | eldonisto presisto vd
| |
| Laborkampo | eldonado kaj gravurado vd
| |
| Aktiva en | Bazelo vd | |
| Aktiva dum | 1528–1579 vd | |
| vd | Fonto: Vikidatumoj | |
Heinrich PETRI estis svisa libristo, presisto kaj publikigisto, aktiva en Bazelo. Li estis patro de Sebastian Heinrich Petri (1546–1627) kaj proprietulo de la presejo "Officina Henricpetrina" en Bazelo.
Vivo
[redakti | redakti fonton]Heinrich Petri estis la plej juna filo de la bazela presisto Adam Petri. Ekde la vintra semestro de 1523/1524, li studis ĉe la Fakultato de Belartoj en Wittenberg. Kiam lia patro malsaniĝis kaj mortis aŭtune de 1527, li revenis al Bazelo sen diplomiĝo kaj transprenis la familian entreprenon.
Lia unua presaĵo datiĝas de marto 1528 (Sedulius Scottus: In omnes epistolas Pauli collectaneum, Bazelo, 1528). Petri edziĝis kun iama monaĥino, Dorothea Hütschy, en 1529, la jaro de la Bazela Reformacio. Post ŝia morto pro pesto, li edziĝis kun Barbara Brand, vidvino de la presisto Hieronymus Frobenius, en 1564.
Kiel konsilisto, Heinrich Petri estis membro de la kolegioj por la ekleziaj aferoj kaj de la universitato. En 1556, li estis nobeligita de imperiestro Karolo la 5-a. Ekde 1565, li komencis nomi sian entreprenon "Officina Henricpetrina", kaj liaj filoj kaj iliaj posteuloj poste adoptis la familian nomon Henricpetri. Ekde 1569, liaj filoj Sebastian kaj Sixtus Henricpetri (1547-1579) laboris en la oficejo, kaj Sebastiano daŭre funkciigis ĝin post la morto de ilia patro.
Henrich Petri produktis ĉirkaŭ 500 presaĵojn. Post kiam lia patrino edziniĝis al Sebastian Münster ĉirkaŭ 1529/1530, li povis publikigi la verkojn de ĉi tiu akademiulo, kiu aktivis ĉefe kiel hebraisto kaj kosmografo. Inter multaj aliaj, li publikigis la tutan hebrean "Malnovan Testamenton", presitan kune kun nova traduko, same kiel la Geografion de Ptolemeo kaj la Kosmografion (1540) en ĉiam kreskantaj eldonoj.
Tio igis lin la plej grava presisto de hebreaj libroj kaj geografiaj mapoj de sia tempo. En 1536, li presis la verkojn ("Opera") de Konstanteno Afrikano. Aliaj fokusoj inkluzivis leksikonojn kaj la verkojn de Gerolamo Cardano. Ankaŭ menciindas la dua eldono de la ĉefa verko de Koperniko. Li dungis Conrad Schnitt (1495-1500) kaj Hans Rudolf Manuel (1525-1571) kiel ilustristojn, interalie.
La presmarko de Heinrich Petri prezentas, en pluraj variaĵoj, rokon estantan apartigitan el la nuboj (referencant al la Vorto de Dio) per martelo, aŭ el kiu flamoj estas frapitaj per tiu martelo.[1]
Verkaro
[redakti | redakti fonton]- Clementii Clementini Amerini Medicorvm nulli, 1535
- Geographia Universalis, Vetus Et Nova, Complectens Claudii Ptolemaei, 1545
- Geographia Vniversalis Clavdii Ptolemaei, 1545
- De tvenda sanitate tractatvs, 1549
- De re grammatica Hebreae linguae libri tres ..., David Kyber, 1552
- Concordantiarum Hebraicarum capita, 1556
- Lamberti Hortensij Montfortij Enarrationes in sex priores libros Aeneidos Vergilianæ, 1559
- Dictionarivm Ambrosii Calepini, 1560
- Marsilij Ficini ... Opera & quae hactenus extitêre, 1561
- Latino-Græcvm dictionarivm, 1563
- Auli Gellii Noctes Atticae, Aŭlo Gelio, 1565
- Cosmographiae Universalis libri sex authore Sebastiano Munstero, 1572
- Theoricae novae planetarum, Georg von Peuerbach, 1573
- Cosmographey oder beschreibung aller Länder, (Kosmografio aŭ priskribado de ĉiuj landoj") 1574
- Briefe an D'Orville, Präzeptor des Kurprinzen Karl Ludwig von der Pfalz, 1612
- Catalogus Librorum, qui ex Officina Henricpetrina hactenus in publicum prodierunt, 1628
- Disputatio philosophica de existentia Dei, 1689
- Dissertatio de usu lectionis scriptorum profanorum in theologia dogmatica, 1694
Vidu ankaŭ
[redakti | redakti fonton]- Claudius Ptolemäus (100-160)
- Aŭlo Gelio (125-180)
- Sedulius Scottus irana monaĥo, gramatikisto kaj profesoro (819-865)
- Konstanteno Afrikano (1015-1087)
- Georg von Peuerbach (1423-1461)
- Ambroĝo Kalepino (1440-1510)
- Adam Petri (1454-1527)
- Nicolaus Copernicus (1473-1543)
- Sebastian Münster (1488-1552)
- Johannes Petreius (1497-1550)
- Georgius Pictorius (1500-1569) germana kuracisto kaj eldonisto
- Ĝerolamo Kardano (1501-1576)
- Hieronymus Frobenius (1501-1563)
- Pedro Nunes (1502-1578)
- Georg Joachim Rheticus (1514-1574)
- Konrad Lykosthenes (1518-1561) germana humanisto kaj enciclopediisto
- Hans Rudolf Manuel (1525-1571) svisa lignoĉizisto kaj politikisto
- Franz Rhode (1559) germana printisto
- George Heinrich Petri (1713-1786)
- Johann Heinrich Petri (1747-1830)
Referencoj
[redakti | redakti fonton]- ↑ Ĉi-artikolo estis tradukita el la germana Vikipedio samnoma.