Hermann Heiß
(Alidirektita el Hermann Heiss)
Hermann HEISS (naskiĝis la 23-an de decembro 1928 en Munkeno, mortis la 22-an de marto 2017) estis germana esperantisto.
En 1964, li fondis la Esperanto-Ligon Filatelistan (ELF) kaj fariĝis ties unua prezidanto. Krome li abunde aktivis dum jardekoj en la Esperanto-grupo de Oberkirch (Badeno).
En 1981, li ricevis Meritmedalon de Germana Esperanto-Asocio.