Himalia (2024)
| Himalia | |
|---|---|
| filmo • mallonga filmo | |
| Originala titolo | Himalia |
| Originala lingvo | Esperanto |
| Kina aperdato | 2024 |
| Daŭro | 21 minutoj |
| Ĝenro | sciencfikcia filmo, mallonga filmo |
| Kameraado | Juliette Lossky |
| Reĝisoro(j) | Clara Milo kaj Juliette Lossky |
| Produktisto(j) | Metafilms Production |
| Scenaro | Clara Milo • Juliette Lossky |
| Filmita en | Kanado |
| Loko de rakonto | Himalio |
| Ĉefrolantoj | Noam Desbiens-Lépine -Elio Amélie Clément - Delaya |
| IMDb | |
Himalia (2024) estas mallonga esperantlingva sciencfikcia filmo de Metafilms Production, direktita de Clara Milo kaj Juliette Lossky.[1]
La filmo estis spektebla interalie en la franc-germana televidkanalo ARTE en januaro 2026. Aldone, la filmo estis elektita por konkuri kadre de diversaj kinartaj festivaloj.
Intrigo
[redakti | redakti fonton]La filmo temas pri la vivo de familio, ritmita de la sunlumo, en bela bieno, en sufiĉe fora estonteco, sur Himalio, luno de Jupitero.
Esperanto en la filmo
[redakti | redakti fonton]La kreintoj ekkonsciis, ke la filmo fakte temos pri la estonteco. Origine, la scenaro estis verkita en la angla. Sed ili poste ekhavis la ideon, ke estontece la ĉefa lingvo ne estos ĉu la angla, ĉu la franca aŭ alia tia lingvo. Sed ĝi povus esti ”elpensita” lingvo. Ili jam aŭdis pri Esperanto, kaj ili do tiel decidis.
En intervjuo por la televidkanalo ARTE Clara Milo ŝerce diris:[2]
 |
|
La kanada esperantisto Nicolas Viau tradukis la dialogojn kaj trejnis la aktorojn paroli la lingvon. Li kreis tradukan grupeton konsistantan el la kebekiaj esperantistoj Sylvain (Silvano) Auclair kaj Ĵenja Amis.
Premioj
[redakti | redakti fonton]Himalia gajnis du premiojn de la festivalo Pleins Écrans 2026: la Grandpremion (Grand Prix) kaj la Premion de la Kolegoj (Prix des Pairs).