Hoketo (supersigno)

El Vikipedio, la libera enciklopedio
Jump to navigation Jump to search

En tipografio hoketo estas supersigno (diakrita signo, kromsigno) metata super literon por distingi specialan formon de tiu litero. Ekzistas du formoj de hoketo:

Ronda
hoketo
Pinta
hoketo
˘ ̆ ˇ ̌
Ă ă Ě ě
Ğ ğ Š š
Ŭ ŭ Ž ž
  • ronda hoketou-hoketo (latine brachia) havas la formon de arko, kies malferma flanko estas supre (˘). Ĝenerale ĝi indikas mallongecon de vokaloj. En Esperanto ĝi estas uzata super u por formi literon ŭ. La nomo u-hoketo devenas de la formo kaj ne signifas, ke tiu kromsigno aperas nur super u: Ekzemple la rumana lingvo posedas literon ă, la turka literon ğ. La unikoda numero de la ronda hoketo estas 728; ekzistas ankaŭ kombiniĝa formo kun la numero 774.
  • pinta hoketo, v-hoketohaĉeko havas la formon de angulo, same kun la malferma flanko supre (ˇ). Ĝi estas uzata ekzemple en kelkaj slavaj lingvoj por la literoj Ċ, Ň, Š, Ť, Ž kaj aliaj. La unikoda numero de la pinta hoketo estas 711; ekzistas ankaŭ kombiniĝa formo kun la numero 780.
    En la minusklaj formoj de la ĉeĥaj literoj Ď kaj Ť, kie la hoketo signifas palataligon, ĝi kutime estas skribata kiel vertikala streketo (ď, ť).