Hotelo Crillon

El Vikipedio, la libera enciklopedio
La hotelo Crillon, maldekstre de la fontano.

La hotelo Crillon (franclingve hôtel Crillon) estas unu el la plej malnovaj kaj luksaj hoteloj de la tuta mondo. Ĝi troviĝas en Parizo sur la placo de la Konkordo, iomete antaŭ la eko de la avenuo de la Elizeaj Kampoj.

La hotelo entenas 103 ĉambrojn, kaj konsistigas unu el la du samaspektaj konstruaĵoj lokitaj je la du flankoj de la rue Royale, starigitaj en 1758 de la arkitektisto Louis-François Trouard (pro mendo de Ludoviko la 15-a).

La konstruaĵo devis origine esti oficiala loko, sed rapide fariĝis luksa hotelo. Ĝi estis akirita en 1788 de la grafo de Crillon, nur iomete antaŭ la franca revolucio de 1789. La familio de la grafo reakiris la hotelon post la revolucio kaj konservis ĝin ĝis 1907, kiam la konstruaĵo spertis grandan renovigon far la arkitektisto Gabriel-Hippolyte Destailleur.

Eksteraj ligiloj