Hura!

Hura! Ne Romano, Nur Grimaco
Hura! Ne Romano, Nur Grimaco
Aŭtoro	Julio Baghy
Eldonjaro	1930
Urbo	Budapesto
Eldoninto	Literatura Mondo
Paĝoj	413

Kovrilpaĝo de la eldono de 1986

Hura!, subtitolita Ne Romano, Nur Grimaco, estas originale esperantlingva romano de Julio Baghy eldonita en 1930 (411 p.)

Enhavo

Hura! estas satira romano. Ĝi priskribas la vivojn de la civitanoj de la fikcia Eŭropa lando Bagonio — burokratoj, nobeloj, riĉuloj, ordinaraj civitanoj. La stilo estas plejparte satira kaj nigre humura, sed partoj estas serioza kaj romantika.

Tra la romano, Baghy prezentas sian idealisman filozofion, pri la neceso de la “homa homo” aŭ “nova homo”.

Bazaj detaloj

• aŭtoro: Julio Baghy
• eldonejo: Hungara Esperanto-Asocio
• jaro de kompono kaj unua eldono: 1930
• jaro de la reeldono: 1986
• presejo:
• formato: 438 paĝoj, 19 cm (1986)
• recenzoj:
  • Hura! recenzo de Marc Binche en Literatura Foiro, n-ro 110 decembro 1987;
  • Ĉu hurai? Recenzo de Sten Johansson;
  • Hura! recenzo de Jim Henry;
• situo: Hura! ĉe retejo de UEA

Recenzoj

„ La aŭtoro intencis pripensigi nin, trakti gravajn sociajn etikajn problemojn, sed elektis formon ironian, amuzan, eĉ burleskan; tiu ega kontrasto inter la seriozaj kaj humoraj partoj estas la ĉefa trajto de Hura. La dueco, kiu tute apartigas la romanon, estas ĝia diskutebla propraĵo. Bona stilo, ofta je lertaj esprimoj kaj trafaj parolturnoj. ” — Enciklopedio de Esperanto, (G S., E', 1931, p: 42.)

	„ En tiu ĉi verko, nia hungara aŭtoro ree pruvas sian talenton, kial estranto de lingvo kaj stilo. La pentrado de eksterordinaraj situacioj kaj karakteroj en trafa kaj viva maniero donas al la verko tutspecialan valoron, pro kiu ni volonte laŭdas la aŭtoron. Ni deziras al lia libro rapidan disvendiĝon. ” — Belga esperantisto n189 (okt 1931)

Eksteraj ligiloj

• Enciklopedio de Esperanto/H en sia originala formo en la Interreto
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo de Libraro Ludovika