Ibibia lingvo

Etnoj en Niĝerio. Ibibioj ruĝecbrune oriente de la Niĝera Delto.

Ibibia estas la indiĝena lingvo de la Ibibioj de la ŝtatoj Akwa Ibom kaj Abia, Niĝerio, apartenanta al la Ibibi-Efika dialektaro de la Krucriveraj lingvoj. La nomo Ibibia estas foje uzata ankaŭ por la tuta dialektaro. En antaŭkoloniaj tempo, ĝi estis verkita en Nsibidiaj ideogramoj, simile al la Igba, Efika, Anaanga, kaj Ejaghama. Ibibia ankaŭ influis al afrik-usonaj diasporaj lingvomanieroj kiel ĉe vortoj de la AUA kiel buckra (blankulo), kaj buckaroo, kiu venas el la Ibibia vorto mbakara (samsignife), kaj al la afrikkuba tradicio de abakua (sekreta societo).

Bibliografio

• Urua, Eno-Abasi E. (2004), "Ibibio", Journal of the International Phonetic Association, 34 (1): 105–109, doi:10.1017/S0025100304001550
• Bachmann, Arne (2006): "Ein quantitatives Tonmodell für Ibibio. Entwicklung eines Prädiktionsmoduls für das BOSS-Sprachsynthesesystem." Magisterarbeit, University of Bonn.
• Kaufman, Elaine Marlowe (1972) Ibibio dictionary. Leiden: African Studies Centre / Cross River State University / Ibibio Language Board. ISBN 90-70110-46-6