Imperia Dekreto pri Edukado

El Vikipedio, la libera enciklopedio
Jump to navigation Jump to search
Imperia Dekreto pri Edukado.
La Imperia Dekreto pri Edukado kaj Dekreto pri Mobilizado de Spirito de Popolo kiel memorigo de diplomiĝo ĉe altnivela bazlernejo.

Imperia Dekreto pri Edukato (japane: 教育ニ関スル勅語, きょういくにかんするちょくご aŭ 教育勅語 きょういくちょくご) estis dekreto de Imperiestro Meiĝi, temante pri edukado en Japanio. Ĝi eldoniĝis je 30-a de oktobro, 1890 kaj eksiĝis je 19-a de junio, 1948.

Enkonduko[redakti | redakti fonton]

La Imperia Dekreto pri Edukado estas dekreto de Imperiestro Meiĝi, teminte pri fundamento de edukado en Japanio. Ĝin oni verkis je 30-a de oktobro, 1890 kaj publikiĝis la sekvan tagon. Ĝi aperis ĵus post la fondado de Konstitucio de la Japana Imperio kaj antaŭ la unua kunveno de la Imperia Parlamento, kaj celis klarigi la fundamentan ideon de edukado kaj nacia moralo.

Forme, ĝin verkis Imperiestro Meiĝi mem palace kaj donis al Ĉefministro Jamagata Aritomo kaj Ministro pri Edukado kaj Scienco Yoŝikaŭa Akimasa. Sed fakte ĝin verkis politikistoj Inoue Koŭaŝi kaj Motoda Nagazane.

La temo estas konfuceisma ideologio pri patriotismo kaj lojaleco al la Imperiestro, laŭ la familia modelo de ŝtato. Ĝi radikigis edukadon je la lastaj voloj de imperiaj dioj kaj prauloj. Ĝi emfazis gravecon de lojaleco al la Imperiestro kej nacio kiel nacia moralo, kaj devigis tion en lerneja edukado. Fondis ĝin la spiritan / moralan fundamenton de Imperiestro-sistemo.

Post la eldono de Konstitucio de Japanio je 3-a de majo, 1947, du ĉambroj de parlamento decidis, ke la enhavo pri "mita ideologio de nacio" kaj "la suvereno Imperiestro"  en la dekreto kontraŭstaris la novan konstitucion, kiu starigis demokratiisman paceman landon kaj suverenan popolon. Do la senato, laŭ la supera leĝopovo donita al ĝi en Artikolo 98 de la Konstitucio, kaj pro la Baza Leĝo pri Edukado fare de la Ĉambro de Deputitoj, decidis ke la dekreto estis jam eksa. La decidoj pasis je 19-a de junio, 1948.

Laŭ la Konstitucio, leĝoj sub la konstitucio, ekzemple la Baza Leĝo pri Edukado estu la fundamenta gvidaro pri civitana edukado kaj moralo anstataŭ la dekreto.

Historio[redakti | redakti fonton]

Post publikiĝo[redakti | redakti fonton]

Post ĝia publikiĝo, la Ministro pri Edukado kaj Scienco faris kopiojn kaj distribuis al ĉiuj lernejoj de la lando. Oni laŭtlegis ĝin je ceremonioj kaj estimis ĝin kiel la absoluta bazo de moralo kaj plej alta leĝo pri edukado, kaj sekve komencigis lecionojn de morala edukado laŭe.

La sekvan jaron, instruisto Uĉimura Kanzo rifuzis montri estimon al la Dekreto. Rezulte, la registaro eldonis leĝon ke lernejoj devas respekti la Dekreton. Speciale, je gravaj ceremonioj, oni laŭtlegu la dekreton. Poste, la dekreto fariĝis la unua celo de edukado. Aprtaj leĝoj fariĝis en kolonioj Koreio kaj Tajvano pri edukado, kiuj baziĝas sur la dekreto.

En 1907, la Ministro pri Edukado kaj Scienco tradukis la dekreton al la angla kaj aliaj lingvoj.

Dum la Dua Mondmilito[redakti | redakti fonton]

La dekreto estis tre sanktigita dum la Dua Mondmilito.

Post eldono de la Leĝo por Gardo de Paco, oni sanktigis la dekreton kiel la bazo de popola penso. En lernejoj, oni konservis la dekreton kaj foto de la Imperiestro kaj Imperiestrino en speciala loko. Ankaŭ, ĉiu studanto devis memorigi la tutan tekston.

Post la Dua Mondmilito[redakti | redakti fonton]

En 1945 sub la regado de SCAP, ordoniĝis pri eksigo de la Dekreto kiel la baza leĝo de edukado. Ankaŭ eksiĝis la devo memorigi kaj laŭtlegi la tekston[1].

En oktobro de 1946 estis malpermisita sanktigi la tekston de la dekreto.

Sekvajare (1947), la Baza Leĝo pri Edukado eldoniĝis. La dekreto malaperis el lerneja edukado. Plue en 1948 la parlamento konsideris, ke la dekreto kontraŭstaris al la spirito de la Konstitucio, kaj do decidis forigi ĝin tute el lerneja edukado. Kopioj de la dekreto estis kolektitaj kaj detruitaj.

Post eksiĝo[redakti | redakti fonton]

Post sia eksiĝo, la Dekreto pri Edukado, samkiel la Dekreto pri Militistoj, kiu temas pri la regulojn de militisto, konsideriĝis postlasaĵojn de militarismo kaj malaperis el la publika medio.

Nun[redakti | redakti fonton]

Iuj registarano konsideris ke eblas utiligi la tekston de dekreto por lerneja edukado[2]. Eĉ estas infanĝardeno, kiu enprenas la Dekreton en la baza ideologio, kaj devigas al studantoj memorigi la tekston samkiel dum la mondmilito[3].

Referencoj[redakti | redakti fonton]

  1. 四大節に儀式を行うこと自体は廃止されず、単に「祝賀」することが定められた。
  2. 参議院文教科学委員会 2014年4月8日
  3. 塚本幼稚園幼児教育学園 (2017-3-20).

Vidu ankaŭ[redakti | redakti fonton]

Ekstera ligilo[redakti | redakti fonton]