Internacia flughaveno Vnukovo
|
Por aliaj signifoj, bv. rigardi la apartigilan paĝon: Vnukovo (apartigilo) |
| Internacia flughaveno Vnukovo | |||||
|---|---|---|---|---|---|
| IATA: VKO ICAO: UUWW | |||||
| Resuma informo | |||||
| Lando | Rusio | ||||
| Regiono | Moskvo | ||||
| Tipo | Civila flughaveno | ||||
| Apuda urbo | Domodedovo | ||||
| Alteco | 209 m | ||||
| Geografia situo | 55° 35′ 46″ N, 37° 16′ 3″ O (mapo)55.59611111111137.2675Koordinatoj: 55° 35′ 46″ N, 37° 16′ 3″ O (mapo) | ||||
| |||||
 Internacia flughaveno Vnukovo | |||||
La Internacia Flughaveno "Vnukovo" (ruse Международный аэропорт Внуково) estas unu el la plej gravaj flughavenoj de Moskva regiono kaj la kvara laŭ kvanto da pasaĝeroj en Rusio. Ĝi situas sur teritorio de Moskvo 10 kilometrojn sur-okcidente de la Moskva cirkla aŭtovojo.
"Vnukovo" havas statuson de internacia flughaveno. Ĝi akceptas pasaĝerajn kaj ŝarĝajn vojaĝojn. Ĝi ankaŭ estas baza flughaveno de kelkaj flugkompanioj: Transaero (Трансаэро), JuTejr (ЮТэйр), Gazpromavia (Газпромавиа), Jakutija (Якутия). La flughavenon uzas 10 milionoj da pasaĝeroj dum unu jaro[1].
Historio[redakti | redakti fonton]
Vnukovo estas unu el la plej malnovaj flughavenoj de Moskvo. Ĝi estis konstruita ekde 1937 kaj ekfunkciis la 2-an de julio 1941. En 1945 post fino de la Dua mondmilito tien translokiĝis la baza pasaĝera flughaveo de Moskvo (antaŭe ĝi situis sur la Ĥodinka kampo).
En 1993 estis kreita akcia kompanio "Flughaveno Vnukovo".
Aerodromo[redakti | redakti fonton]
La aerodromo havas du kurejojn uzeblajn de ĉiuj bazaj tipoj de aviadiloj. Ĝi povas akcepti 45 suprenflugojn/alteriĝojn dum unu horo. Nun ĝi funkcias 24 horojn dum diurno.
Stacidomoj[redakti | redakti fonton]
La stacio "Vnukovo-1" priservas regulajn pasaĝerajn vojaĝojn (enlandajn kaj eksterlandajn). Ĝi tralasas 8 milionojn da pasaĝeroj ĉiujare.
"Vnukovo-2" priservas specialajn vojaĝojn de la Prezidanto, estraro de Rusio kaj eksteraj landoj. Dum elflugadoj kaj alflugadoj de altnivelaj personoj oni fermadas la federacian aŭtovojon M3, Moskvan cirklan aŭtovojon k.a. (ĝis 40 minutoj).
"Vnukovo-3" priservas komercan aviadon[2], Roskosmos kaj la Registaron de Moskvo.
Flugkompanioj[redakti | redakti fonton]
Internaciaj linioj[redakti | redakti fonton]
Flugkompanioj:
Enlandaj linioj[redakti | redakti fonton]
Flugkompanioj:
Transporta kunligo kun la ĉefa parto de Moskvo[redakti | redakti fonton]
Oni povas atingi la flughavenon de Moskvo kaj reen diversmaniere.
| Komenco de veturo en Moskvo | Veturilo | Tempo de veturo | Kosto (en rubloj) | Referencoj |
|---|---|---|---|---|
 Metrostacio "Jugo-Zapadnaja" |
Aŭtobusoj 611, 611c, 272 | Inter 25-30 kaj 60-90 minutoj | 25 | Per aŭtobuso 272 ĝis la haltejo "Gostinica" ("hotelo"), poste iri 150-200 metrojn. Aŭtobuso 611c estas ekspreso. |
| Metrostacio "Jugo-Zapadnaja" |
Marŝrutko 45 | proksimume 30 minutoj | 40 | Ofta trafiko, rapide veturas |
 Metrostacio "Tjoplij Stan" |
Aŭtobuso 526 | 100 minutoj | Apudurba linio | |
   Metrostacio "Kijevskaja", fervoja stacidomo Kievskij |
elektrotrajno "Aeroekspres" | 35-40 minutoj | 320 | La fina haltejo estas subtera fervoja stacio ĉe "Vnukovo-1" |
Krome, la flughaveno atingeblas per sia aŭtomobilo laŭ la federacia aŭtovojo M3 aŭ ŝoseo Borovskoje.
Aviadaj akcidentoj[redakti | redakti fonton]
- La 17-an de marto 1979 apud Vnukovo okazis kraŝo de aviadilo Moskvo - Odeso; pereis 58 homoj.
- La 3-an de januaro 2007 okazis akcidento de la aviadilo Bombardier Challenger 600.
- La 25-an de julio 2009 vagantaj hundoj sur kurejo malhelpis alteriĝi al du aviadiloj[3].
- La 3-an de januaro 2010 kunpuŝiĝis du aviadiloj (movanta kaj staranta); pro tio neniu suferis.
- La 13-an de septembro 2011 aviadilo tuŝis maston de kaja lumo; pro tio neniu suferis.
- La 27-an de januaro 2012 unu aviada inĝeniero estis vundita de aviadila helico kaj pro tio post 40 minutoj mortis[4].
- La 29-an de decembro 2012 aviadilo Pardubice - Moskvo elruliĝis ekster la kurejon kaj rompiĝis ĉe la bordo de aŭtovojo M3; pereis 5 homoj el 8.
- La 20-an de oktobro 2014 kraŝis aviadilo Falcon 50; pereis ĝia pasaĝero — grava entreprenisto Christophe de Margerie — kaj 3 aviadilanoj.
Referencoj[redakti | redakti fonton]
- ↑ Kvanto da pasaĝeroj de "Vnukovo" elkreskis en 2012 ĝis 10 milionoj dum unu jaro (ruse)
- ↑ Komercaj vojaĝoj el "Vnukovo-3" Arkivigite je 2010-05-15 per la retarkivo Wayback Machine (ruse)
- ↑ Senhejmaj hundoj malhelpis alteriĝon de aviadiloj Arkivigite je 2013-12-14 per la retarkivo Wayback Machine (ruse)
- ↑ En "Vnukovo" homo estis mortigita de la helico de aviadilo (ruse)
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Oficiala paĝaro (ruse, angle)
- Panelo de informo pri suprenflugoj kaj alteriĝoj Arkivigite je 2013-06-29 per la retarkivo Wayback Machine (ruse)
- Skemo Arkivigite je 2013-07-01 per la retarkivo Wayback Machine (ruse)