Irina Gonĉarova

El Vikipedio, la libera enciklopedio
Saltu al: navigado, serĉo
Irina Gonĉarova
Ирина Гончарова
Irina Gonĉarova 2006.jpg
Irina Gonĉarova, fotita aŭtune de 2006
Personaj informoj
Naskiĝo 10-an de novembro 1951
en Sovetunio Petrozavodsk, RSFSR, Sovetunio
Nacieco rusino
Aliaj nomoj Mirina, Mirinda Strigo
Lingvokapablo Esperanto
Esperanto
Aliaj aktivaĵoj adjunkto de AIS
v  d  r
Information icon.svg

Irina Gonĉarova (ruse Ирина Гончарова, ankaŭ konata kiel Mirina, Mirinda Strigo) (naskiĝis la 10-an de novembro 1951 en Petrozavodsk) estas rusia esperantistino, loĝanta en la urbo Odincovo de Moskva provinco.

Profesia esperantisto — movadano, tradukisto, instruisto — Gonĉarova dum pli ol 10 jaroj etate instruas Esperanton en la Moskva Ŝtata Industria Universitato kiel devigan studobjekton. Ŝia universitata lernolibro ricevis stampon de la Rusia Ministerio de Supera Klerigado, kiu rekomendas ĝin kiel lernilon por la studentoj de altlernejoj. Ŝi ellaboris propran metodon de instruado, "Faru la Rondon!" (FaRo), kaj verkis kelkajn lernolibrojn de Esperanto (la lasta aperis aŭguste 2006 ĉe granda rusia eldonejo AST, eldonkvanto 2000 ekz., kaj estas vendata tra la tuta lando en librovendejoj). Ŝi aktive ellaboras kaj partoprenas la programon de ILEI/E@I "Flugiloj de Malfacila Vento". Dum pli ol 10 jaroj ŝi kunordigas la agadon de moskva Esperanto-klubo EK MASI.

Ŝi estas esperantisto en la 3-a generacio kaj havas denaske esperantoparolantan filinon (vidu Svetlana Gonĉarova).

Gonĉarova estas adjunkto de AIS San-Marino. Ŝi estas kelkfoje elektita en la Estraron de REU kaj nun (ekde majo 2009) membras en la Konsilio de tiu organizo.

Eksteraj ligiloj[redakti | redakti fonton]