La Irlanda Olimpika Komitato (aŭ plej ekzakte Olimpika Federacio de Irlando, ekde 2018 angleOlympic Federation of Ireland aŭ OFI, irlandeCónaidhm Oilimpeach na hÉireann, ĝis tiam ekde 1952 angleOlympic Council of Ireland, irlandeComhairle Oilimpeach na hÉireann) estas neprofitcela organizaĵo, kiu funkcias kiel la Nacia Olimpika Komitato (NOK) de Irlando. Ĝi kreiĝis kaj estis internacie agnoskita en 1922. La organizaĵo inkluzivas la sportistojn de Irlando, kaj ankaŭ tiujn sportistojn de Norda Irlando, kiuj laŭ la Interkonsento de Sankta Vendredo elektis irlandan ŝtatanecon. Kiel NOK, la Irlanda Olimpika Komitato celas subteni irlandajn atletojn, sporton en Irlando kaj organizi tiujn Olimpikajn Ludojn, kiuj okazas/okazu en Irlando, kvankam ĝis la jaro 2022 ankoraŭ nek okazis nek estonte antaŭvidatas Olimpikaj Ludoj en la lando.
