István Tellinger

István Tellinger
Persona informo
Naskiĝo	la  25-an de marto 1940(nun 1940-03-25) en Munkács (Hungara reĝlando)
Morto	la 17-an de julio 2008 en Miskolc (Hungario)
Okupo
Okupo	grafikartisto

István Tellinger [iŝtvAn], laŭ hungarlingve kutima nomordo Tellinger István estis hungara grafikisto, instruisto.

Grafikaĵo fare de István Tellinger

István Tellinger naskiĝis la 25-an de marto 1940 en Munkács (Hungara reĝlando, nuntempa Mukaĉeve en Ukrainio), li mortis la 17-an de julio 2008 en Miskolc (Hungario).

Biografio

István Tellinger frekventis kutimajn (ne artajn) lernejojn, poste li faris diversajn laborojn. Liaj anoncoj al Belarta Altlernejo estis rifuzitaj, en la 1960-aj jaroj li aliĝis al grafika rondo en Miskolc. Lia majstro estis László Lukovszky, sed li lernis ankaŭ de Béla Kondor, Zoltán Lenkey kaj Kálmán Csohány. Ekde 1967 liaj desegnaĵoj aperis en gazetoj (ekzemple en Népszava), en la sama jaro li prezentis sin en ekspozicio. Li ŝatis krei akvafortojn, ksilografiaĵojn kaj linoleumografiaĵojn. Li instruis en mezlernejo. Liaj ekslibrisoj ricevis dufoje premiojn.

Elektitaj solaj ekspozicioj

• Miskolc (1967, 1973, 1979, 1985, 1996)
• Pápa (1977)
• Budapeŝto (1978)
• Sátoraljaújhely (1986, 1992)
• Fertőd (1992)

Elektitaj kolektivaj ekspozicioj

• Miskolc (1967–73, 1979, 1984-1991, 1994)
• Arthalo Budapeŝto (1969, 1971, 2001)
• Budapeŝto (1970–1972, 1977, 1994)
• Eger (1970, 1984–1990)
• Katowice (1970)
• Salgótarján (1971–1987, 1991–1995)
• Keszthely (1975)
• Pécs (1980)

Elektitaj grafikaĵoj

• Furcsa mesék I. (kolora tuĉo)
• Gondolatok I.II.III. (tuĉo)
• Káosz (seka nadlo)
• Figura (kolora tuĉo)

Fontoj

• hungarlingva biografio kun foto Arkivigite je 2019-01-27 per la retarkivo Wayback Machine
• hungarlingva biografio