Jackbox Ludaro

Jackbox Ludaro
Disvolvo	Jackbox Games
Eldoninto	Jackbox Games
Distribuo	Epic Games Store
Platformo	Android
Ĝenro	party video game
Regilo	tuŝekrano
v • d • r

Jackbox ludaroj (aŭ Jakobujaj ludaroj) estas serio de videoludoj eldonita de la firmao Jackbox Games por diversaj platformoj. Ekde 2014, la firmao eldonis preskaŭ unu ludaron jare. Ĉiu ludaro enhavas po kvin ludoj intencitaj por ludado en grandaj grupoj. Eblas ludi ilin sidante en la sama ĉambro, per tujmesaĝiloj kiuj permesas kundividi ekranon, kaj per elsendfluiloj kiel ekzemple Twitch.

Speciala eco de la ludoj estas, ke la ludantoj ne bezonas ludkonzolojn, sed regas la ludon per siaj karestelefonoj aŭ tabulkomputiletoj.

Historio[redakti | redakti fonton]

La studio, antaŭe konata kiel Jellyvision Games, dum la 90-aj jaroj havis grandajn sukcesojn pri sia serio da "You Don't Know Jack" komputilaj kvizludoj. Tiu ludo ankaŭ inspiris la nunan nomon de la ludstudio. Ekde 2011, la studio unue eldonis rekreon de sia origina sukcesa ludo, ĉifoje ludebla per ludkonzolo, kaj poste aliajn ludojn kiuj ludeblis per poŝtelefono aŭ Facebook.

La unua Jakobuja ludaro aperis en 2015^[1]. Dum KOVIM-19 pandemio, la ludaroj ricevis rekreskintan atenton pro ĝia taŭgeco ludi kun amikoj kaj resti en kontakto interrete dum fizika izoliĝo.^[2]

Ludaroj[redakti | redakti fonton]

Ludaro	Ludoj	Komentoj
Ludaro 1	You Don't Know Jack 2015 Fibbage XL Drawful Word Spud Lie Swatter
Ludaro 2	Fibbage 2 Earwax Bidiots Kviplaŝo XL (Quiplash XL) Bomb Corp.
Ludaro 3	Kviplaŝo 2 (Quiplash 2) Kviza Murda Festo (Trivia Murder Party) Guesspionage Tee K.O. Fakin' It
Ludaro 4	Fibbage 3 Survive The Internet Monstro Serĉas Monstron (Monster Seeking Monster) Bracketeering Civic Doodle
Ludaro 5	You Don't Know Jack Split The Room Mad Verse City Patente Stulta (Patently Stupid) Zeeple Dome
Ludaro 6	Kviza Murda Festo 2 (Trivia Murder Party 2) Role Models Joke Boat Dictionarium Premu la Butonon (Push The Button)
Ludaro 7	Kviplaŝo 3 (Quiplash 3) The Devils and the Details Champ'd Up Talking Points Blather 'Round
Ludaro 8	Drawful animate Job Job The Poll Mine Weapons Drawn La Rado de Enormaj Proporcioj (The Wheel of Enormous Proportions)
Jackbox Party Starter	Kviplaŝo 3 (Quiplash 3) Kviza Murda Festo 2 (Trivia Murder Party 2) Tee K.O.	kvinlingva versio en la angla, franca, itala, germana kaj hispana

Lingvaj versioj[redakti | redakti fonton]

La originala lingvo de la ludoj estas la angla. Dum 2020 eldoniĝis multlingva versio de la sukcesa ludo Quiplash sub la nomo Quiplash 2 Interlashional, ludebla en la germana, angla, franca, itala kaj hispana lingvo^[3]. Je la 30a Junio 2022 aperos kvinlingva versio de tri konataj ludoj sub la nomo Jackbox Party Starter^[4].

Krome, ekzistas multaj neoficialaj tradukoj kreitaj de aktiva teamo de volontuloj. Ekzistas tiaj tradukoj al la germana, la rusa, la hispana, la katalana kaj la hispana. Kvankam la tradukoj ne estas oficialaj, pluraj tradukteamoj konstatas, ke ili kunlaboras kun Jackbox Games por realigi la tradukojn^[5].

En Esperanto ekzistas ĝis nun du neoficialaj tradukoj^[6]. Estas planata traduki pliajn ludojn kaj la tradukteamo bonvenigas pliajn volontulojn^[7].