Jakobo

El Vikipedio, la libera enciklopedio
Saltu al: navigado, serĉo

Jakobo / Jaakov (hebree: יַעֲקֹב, norma hebrea: Yaʿaqov , tiberia hebrea: Yaʿăqōḇ) estas Biblia patriarko, prapatro de izraelidoj, kies filoj estis prapatroj de la 12 izraelaj triboj. Lia bopatro devigis lin servi dum multaj jaroj, antaŭ ol doni al li siajn filinojn Lean kaj Raĥelan kiel edzinojn. Post la naskiĝo de la unuaj dek unu filoj laŭ la biblio li ricevis la nomon "Izrael" (Genezo 35:10 "Kaj Dio diris al li: Via nomo estas Jakob; tamen ne plue estu nomata Jakob, sed Izrael estu via nomo. Kaj Li donis al li la nomon Izrael.").

Izrael aŭ Jakobo havis sume 12 filojn:

  1. Ruben (filo de Lea, Genezo 29:32)
  2. Simeon (filo de Lea, Genezo 29:33)
  3. Levi (filo de Lea, Genezo 29:34)
  4. Jehuda (filo de Lea, Genezo 29:35)
  5. Dan (filo de la sklavino Bilha, Genezo 30:4-6)
  6. Naftali (filo de la sklavino Bilha, Genezo 30:7-8)
  7. Gad (filo de la sklavino Zilpa, Genezo 30:9-11)
  8. Aŝer (filo de la sklavino Zilpa, Genezo 30:12-13)
  9. Isaĥar (filo de Lea, Genezo 30:16-18)
  10. Zebulun (filo de Lea, Genezo 30:19-20)
  11. Jozef (filo de Raĥel, Genezo 30:22-24)
  12. Benjamen (filo de Raĥel, Genezo 35:16-20)

La 12 filoj estas la prapatroj de la 12 triboj de la Izraelidoj. La Levidoj, la tribo de Levi, donis la pastrojn kaj la tribo de Jehuda donis multajn reĝojn (ekzemple, David kaj Salomono) kaj, laŭ la profetoj, donos la Kriston. Jesuo Kristo mem estis el la tribo Jehuda, sed la Makabeoj estis Levidoj.

Krom en judismo kaj kristanismo, Jakobo ankaŭ estas grava persono en la Islamo kaj konsideriĝas unu el ties profetoj, en la Korano li meciiĝas je la nomo يعقوب, Yaʿkūb.


Gutenberg Bible.jpg patro:
Isaak

Biblia persono

En libroj:
Genezo

filoj:
Ruben, Simeon, Levi, Jehuda, Isaĥar, Zebulun, Jozef, Benjamen, Dan, Naftali, Gad, Aŝer
Jacob-angel.jpg
Rembrandt Harmensz. van Rijn 063.jpg


Vidu ankaŭ[redakti | redakti fonton]