Jazid la 1-a

El Vikipedio, la libera enciklopedio
Salti al navigilo Salti al serĉilo
Jazid la 1-a
kalifo
Umayyad Caliphate. temp. Yazid I ibn Mu'awiya. AH 60-64 AD 680-683.jpg
Persona informo
Naskiĝo ĉ. 644
en Damasko
Morto 11-an de novembro 683 (0683-11-11)
en Damasko
Religio islamo [#]
Etno arabo [#]
Ŝtataneco UmajadojRaŝiduna Kaliflando [#]
Familio
Dinastio Umajadoj [#]
Patro Mu'aŭija ibn Abi Sufjan [#]
Patrino Maisun bint Bahdal [#]
Infanoj Mu'aŭija la 2-a • Ĥalid bin Jazid • Atikah bint Jazid [#]
Profesio
Okupo poeto • kaliforeganto [#]
[#] Fonto: Vikidatumoj
Wikidata-logo.svg
Information icon.svg
vdr
Jazīd ibn Muaŭija

Abu Ĥalid Jazid ibn Mu'aŭija (arabe أبو خالد يزيد بن معاوية‎, Abū Ĥālid Jazīd ibn Muʿāŭija, ankaŭ nomata Jazid la 1-a, (naskiĝis en 644; mortis la 11-an de novembro 683 ĉe Damasko) estis de 680 ĝis sia morto la dua Umajida Kalifo, kiu ekhavis la regadon de la dinastio post la morto de sia patro Mu'aŭija la 1-a en 680. Lia kaliflando estis agnoskita nek de Ĥusejn ibn Ali nek de Abd Allah ibn al-Zubajr.

Li batalis kontraŭ Ĥusejn ibn Ali, filo de Ali kaj nepo de Mahomedo, kaj venkis super li en la batalo de Karbalo en la jaro 680. Post la morto de Ĥusejn, Karbalo iĝis pilgrimejo por la venkitoj, la ŝijaistoj, kiuj rememoras la funebran tagon aŭ "Aŝuro" ĉiujare, la 10an de la monato mujarram.

Zubajr, antaŭ la malkontento kontraŭ la Umajidoj, deklariĝis ribele kaj rifuĝiĝis en Medino, kie li proklamiĝis kalifo. Jazid klopodis finigi la ribelon, sendante al Mekko Ŭalid ibn Utbah por aresti Zubajr.[1] Ŭalid invadis Heĝazon, kaj konkeris Medino post la sangelverŝa batalo de al-Harra de la jaro 683 sekvita de la sieĝo al Mekko. La subita morto de Jazid la 11an de Novembro 683 metis finon al la kampanjo kaj la umajadoj eniris en kaoso. Jazid estis entombigita en Damasko kaj estis sukcedita de sia filo Mu'aŭija la 2-a.

Notoj[redakti | redakti fonton]

  1. Najeebabadi, Akbar Shah (2001). The History of Islam v. 2. Riyadh: Darussalam. p. 110. ISBN 9960892883.

Bibliografio[redakti | redakti fonton]

  • Michael Jan de Goeje (1911). Encyclopædia Britannica, eld. «Caliphate. The Ommayad Dynasty; Rule of Yazid»