Jean Texier
| Jean Texier | |
|---|---|
| Persona informo | |
| Naskiĝo | 23-an de februaro 1997 (29-jaraĝa) en Aŭvernjo-Rodano-Alpoj |
| Lingvoj | franca |
| Ŝtataneco | Francio  |
| Okupo | |
| Okupo | aktoro |
Jean TEXIER estas franca eksa infanaĝa kineja aktoro. Li naskiĝis la 23-an de februaro 1997 en la francia regiono Aŭvernjo-Rodano-Alpoj, do nun estas 29-jaraĝa.
Biografio
[redakti | redakti fonton]Jean Texier estis 14-jaraĝa kiam li ricevis la ĉefrolon de la knabo Lebrac en la kineja filmo La Nouvelle Guerre des boutons (La Nova Milito de la Butonoj) en 2011. Estis lia patrino kiu sendis la foton de la junulo al la produkta teamo; ŝi aŭdis ke Christophe Barratier serĉis infanojn por la filmo. Danke al la cikatro sur lia maldekstra vango kaj liaj aktoraj kapabloj, li konvinkis la reĝisoron de la filmo kaj ricevis la ĉefrolon.[1].
En 2013, 16-jara, li ricevis la rolon de Joffrey Baratheon en Too Many Thrones (Tro da Tronoj), la franca parodio de Game of Thrones (Ludo de Tronoj).
Li poste ankoraŭ aperis en la mallonga filmo "When the Snow Comes" (Kiam la Neĝo Venos) en 2015, 18-jara, kiu esploras la funebron de filo pro sia patrino.
Referencoj
[redakti | redakti fonton]- ↑ artikolo Un chef de bande au coeur très tendre (Bandestro kun tre mola koro) en La Montagne la 1-an de aŭgusto 2011
Eksteraj ligiloj
[redakti | redakti fonton]- Jean Texier ĉe Interreta filma datumbazo (angle)
- recenzo pri la filmo de 2011 en la retejo filmdienst.de (germane)
