Jiří Pištora (esperantisto)

El Vikipedio, la libera enciklopedio
Salti al navigilo Salti al serĉilo
Disambig.svg La titolo havas ankaŭ aliajn signifojn, por vidi ilin bonvolu rigardi la apartigilan paĝon: Jiří Pištora


Jiří Pištora
Persona informo
Naskiĝo 7-an de marto 1931 (1931-03-07)
en Dobruška
Morto 12-an de novembro 2011 (2011-11-12) (80-jara)
en Česká Třebová
Lingvoj Esperantoĉeĥa lingvo
Ŝtataneco ĈeĥioĈeĥoslovakio
Okupo
Okupo esperantisto
Information icon.svg
vdr

Jiří Pištora (naskiĝis la 7-an de marto 1931 en Dobruška - mortis la 12-an de novembro 2011 en Česká Třebová) estis kunfondinto, en 1960, de la Esperanto-rondeto en Česká Třebová kiu apartenas vicon da jaroj al la plej viglaj en Ĉeĥio, kaj fondinto de Esperanto-kolekto en la Urba Muzeo de Česká Třebová. honora membro de ĈEA.

Profesio[redakti | redakti fonton]

Li lernis fakon de maŝina mekanikisto, poste studis en fervojista teknikumo kaj laboris kiel memstara esploristo en fako de fervoja riparado (1956-1991). Ekde 1985 li fariĝis administranto kaj fine direktoro de la Urba Muzeo en Česká Třebová ĝis 2003. En 1993 li fondis tie Esperanto-kolekton.

Kluba laboro[redakti | redakti fonton]

Esperanton li lernis en 1947 en Nymburk. En 1960 li iniciatis fondon de Esperanto-rondeto „Amikeco“ en Česká Třebová kune kun Jindřich Štancl kaj František Jindra. En la rondeto li fervore kaj sindoneme laboris senĉese ekde la jaro 1960, kelkajn jarojn kiel prezidanto. Li faris prelegvojaĝon tra Bretonio.

Laboro ĉe IFEF[redakti | redakti fonton]

Li estis unu el la kunfondintoj de la Tutŝtata Ĉeĥoslovaka Fervojista Esperanta Landa Asocio, en la jaro 1965, kiu estis akceptita al IFEF la 26-an de majo 1965, dum la 17-a kongreso de IFEF en Hamar. Ses jarojn li funkciis kiel komitatano de IFEF. Li organizis plurajn entreprenojn por fervojistoj-esperantistoj, ekz. trajnan ekskurson de esperantistaj fervojistoj al Danio, Svedio kaj Norvegio en 1968, partoprenon de fervojista grupo en la 21-a kongreso de IFEF en Avignon, Francio, en la jaro 1969. Multajn jarojn li aktive agadis en la landa sekcio de IFEF, precipe kiel distribuanto de la asocia revuo "Internacia Fervojisto".

Esperanto-kolekto en urba muzeo[redakti | redakti fonton]

En la jaro 1993 li fondis Esperantan sekcion en la Urba Muzeo en Česká Třebová, kie li estis direktoro. En tiu tempo Esperantista Klubo en Prago perdis sian klubejon, ĉar post falo de komunista reĝimo la domon rericevis la iamaj posedantoj, kiuj ne longigis la kontrakton kun la klubo, sekve perdis sian lokon ankaŭ riĉa Esperanto-biblioteko de Jaroslav Šustr. ĈEA serĉis novan lokon por la biblioteko kaj tiam Jiří Pištora proponis deponi ĝin en la Urba Muzeo de Česká Třebová. La biblioteko fariĝis bazo de kolekto, kiu poste riĉiĝis per multaj materialoj, kiujn sendis esperantistoj kaj kluboj.

Honorigoj[redakti | redakti fonton]

  • 2002 - Honora membro de ĈEA
  • 2008 - Honora diplomo de IFEF
  • 2010 - Honora diplomo okaze de la 50-a datreveno de Esperanto-rondeto „Amikeco“

Artikoloj de Jiří Pištora[redakti | redakti fonton]

  • Kiamaniere igi en LG pli allogan E-movadon (Starto 4/1980, p. 27)
  • Interparolo kun estro de Urba Muzeo en Česká Třebová (Starto 3/1994, p. 22-23)
  • Nia Esperanto-muzeo daŭre riĉiĝas“ (Starto 1/19944, 4. p.)
  • 10 let oddělení „ Historie esperantského hnutí v Českých zemích“ Městského muzea v České Třebové (10 jaroj de fako „Historio de Esperanto-movado en Ĉeĥaj landoj“ en la Urba Muzeo de Česká Třebová - en informilo de Česká Třebová 2004)

Eksteraj ligiloj[redakti | redakti fonton]