Jieyang

Jieyang
departemento-ranga urbo ; urbego vd
Administrado
Poŝtkodo	522000
En TTT	Oficiala retejo [+]
Demografio
Loĝantaro	5 577 814 (2020) [+]
Loĝdenso	1 059 loĝ./km²
Geografio
Geografia situo	23° 33′ N, 116° 22′ O (mapo)23.55334116.36495Koordinatoj: 23° 33′ N, 116° 22′ O (mapo) [+]
Alto	8 m [+]
Areo	5265,38 km² ( 526 538 ha) [+]
Horzono	UTC+08:00 [+]
	Jieyang (Ĉinio)
	Situo de Jieyang
Alia projekto
	Vikimedia Komunejo Jieyang [+]
	v • d • r

Jieyang (per simpligita ĉina skribo: 揭阳; per tradicia ĉina skribo: 揭陽; kun tonsignoj Jiēyáng) estas prefektujnivela milionurbo en provinco Gŭangdongo en Ĉina Popola Respubliko. Ĝi estas historie grava kiel la hejmurbo de multaj transmaraj ĉinoj en Sudorienta Azio.

Loĝantaro

La prefektujnivela loĝantaro estis 5 577 814 en 2020.

Geografio

Jieyang situas parte sur ebenaĵo, parte sur montetoj kaj montoj laŭ la Sudĉina Maro sur areo 5 266 km² averaĝe 8 metrojn super la marnivelo. La Tropiko de Kankro pasas tra ĝia norda parto. La teritorio konsistas el 5 dividoj. Shantou troviĝas 40, Meizhou 89, Honkongo 265, provinca sidejo Kantono (Ĉinio) 322, Ŝanhajo 990, ĉefurbo Pekino 1816 km aere laŭ [1].

Historio

Tiu areo havas longan historion. Antaŭ pli ol dek mil jaroj homoj loĝis ĉi tie. La loknomo aperis unue en 214 a.K., kiam la imperiestro starigis garnizonon iomete pli sude. Post oftaj administraj ŝanĝoj la prefektujnivela milionurbo estis deklarita en 1991.

Ekonomio

La urbego estas la plej granda centro de Ĉinio por produktado de la rustorezistaj ŝtalaj produktoj. Nature oni produktas ĝeneraljn ŝtalaĵojn. Ekzistas ankaŭ granda karboelektra centralo, krome en la maro ventoenergia centralo funkcias. La agrikulturo produktas liĉiojn, teojn, kuracherbojn kaj fruktojn.

Edukado

La altnivela edukado estas pli malriĉa, ol en la provinco. Nur kampuso kaj altlernejoj funkcias.

Trafiko

Ĉejan estas alirebla bone fervoje kaj ĉefvoje. La nova internacia flughaveno estas tre moderna, dum pri mara haveno informoj mankas. Supozeble la apuda Shantou portas tiun taskon.

Klimato

La klimato estas humida subtropika klimato kun musona influo laŭ klimata klasifiko de Köppen: Cwa. La jara averaĝa temperaturo estas 23 °C kaj varias inter 19-27 °C. Jare averaĝe pluvas 1774 mm, en ĉiuj monatoj pluvas, sed pli ofte inter majo-septembro.