Jincheng

Jincheng
departemento-ranga urbo ; urbego vd
Administrado
Poŝtkodo	048000
En TTT	Oficiala retejo [+]
Demografio
Loĝantaro	2 194 545 (2020) [+]
Loĝdenso	233 loĝ./km²
Geografio
Geografia situo	35° 29′ N, 112° 51′ O (mapo)35.49056112.8483Koordinatoj: 35° 29′ N, 112° 51′ O (mapo) [+]
Areo	9424,87 km² ( 942 487 ha) [+]
Horzono	UTC+08:00 [+]
	Jincheng (Ĉinio)
	Situo de Jincheng
Alia projekto
	Vikimedia Komunejo Jincheng [+]
	v • d • r

Ne konfuzu ĉi tiun artikolon kun Jinchang.

Jincheng, laŭ simpligita ĉina skribo 晋城, laŭ tradicia ĉina skribo 晉城, kun tonsignoj Jìnchéng estas prefektujnivela milionurbo en provinco Ŝanŝio, en Ĉina Popola Respubliko limante oriente al la provinco Hebejo. Ĝi estas agnoskita kiel industria centro kun karbominado, kiel unu el ĝiaj ŝlosilaj industrioj.

Loĝantaro

En 2020 en la prefektujnivela urbego loĝis 2 194 545 homoj.

Geografio

Jincheng kuŝas sur malaltaj kaj mezaj montoj, montetoj kaj rivervaloj sur areo de 9410 km² kaj konsistas el 6 dividoj.

Historio

Tiu ĉi areo estas unu el la naskiĝlokoj de la ĉina civilizo. Multaj legendoj en la ĉina mitologio havas siajn originojn el tiu loko. Arkeologoj trovis restaĵojn el la malfrua paleolitiko pruvante, ke homoj vivis ĉi tie antaŭ pli ol 20 mil jaroj. Post diversaj administraj ŝanĝoj faritaj de pluraj imperiestroj Jincheng en 1985 estis deklarita prefektujnivela urbego.

Ekonomio

Pro la vasta karboindustrio tiu teritorio akiris fifamecon pro la aerpoluado. Tamen, la loka registaro lastatempe faris signifajn investojn, ekzemple arboplantado, evoluigo kaj bontenado de vastaj parkoj kaj ekologiaj rezervejoj, fermo aŭ translokigo de kelkaj el la plej poluantaj fabrikoj kaj antaŭenigo de la uzo de karbometano, kiu estas pli pura fuelfonto, ol la karbo. La industrio produktas precipe fibro-optikajn partojn. La agrikulturo kultivas grenojn, fruktojn, krome oni bredas hejmbestojn.

Edukado

La sola altnivela edukejo estas kampuso.

Trafiko

Ĉinĉen estas facile alirebla fervoje kaj ĉefvoje, sed la plej proksimaj flughavenoj situas en Ĝengĝoŭo, Changzhi kaj Luoyang.

Klimato

La klimato estas sufiĉe seka, musoninfluita humida kontinenta klimato laŭ klimata klasifiko de Köppen: Dwa, kun malvarmaj kaj tre sekaj vintroj, kaj varmaj, humidaj someroj. La averaĝa jara temperaturo estas 12 °C kaj varias inter 7-18 °C. En la plena jaro pluvas averaĝe 583 mm, en ĉiuj monatoj estas iom precipitaĵoj. La pluvo kulminas julie kaj aŭguste, dum inter decembro-februaro apenaŭ estas precipitaĵo.