Johann Friedrich Naumann

Johann Friedrich Naumann
Persona informo
Johann Friedrich Naumann
Naskiĝo	14-an de februaro 1780 (1780-02-14) en Prosigk
Morto	15-an de aŭgusto 1857 (1857-08-15) (77-jaraĝa) en Prosigk
Tombo	Prosigk 51.7 °N, 12.05 °O / 51.7; 12.05 (mapo) vd
Lingvoj	germana vd
Ŝtataneco	Anhalt-Köthen Sankta Romia Imperio vd
Subskribo
Familio
Patro	Johann Andreas Naumann vd
Gefratoj	Carl Andreas Naumann (en) kaj Gottfried Leberecht Naumann (en) vd
Profesio
Okupo	ornitologo botanikisto zoologo zoologia kolektisto vd
Laborkampo	ornitologio vd
Honorigoj Honorigoj (1839)  honorary doctor of the University of Wrocław (en) vd
vd	Fonto: Vikidatumoj

Johann Friedrich NAUMANN (14a de Februaro 1780 – 15a de Aŭgusto 1857) estis germana natursciencisto, gravuristo, kaj eldonisto. Li estis konsiderita fondinto de scienca ornitologio en Eŭropo. Li publikigis Naturgeschichte der Vögel Deutschlands (Natura historio de la germanaj birdoj, 1820–1844) kaj Ovoj de germanaj birdoj (1818–1828). Lia patro Johann Andreas Naumann (1744–1826) estis natursciencisto, kaj ankaŭ lia frato Carl Andreas Naumann (1786–1854) estis ornitologo.

Li studis agrikulturon, botanikon, geologion, kaj ornitologion; kaj finfine dediĉis sin al ornitologio. En 1821, Naumann vendis sian birdokolekton al Frederick Ferdinand, Duko de Anhalt-Köthen. Kaj poste li estis nomumita zorganto de la duka kolekto en Ferdinandsbau en la kastelo Köthen, kiu estis alirebla al la publiko ekde 1835.

Li priskribis kelkajn birdospeciojn, kiel ekzemple la Korna fraterkulo (Fratercula corniculata).

La Germana Ornitologia Societo nomis sian gazeton Naumannia. La Malgranda turfalko (Falco naumanni) estas nomita laŭ li (aŭ laŭ lia patro).

Fontoj

• Wilhelm Heß: ADB Vol. 23. Duncker & Humblot, Leipzig 1886, p. 315
• Paul Gottschalk: Johann Friedrich Naumann, in: Mitteldeutsche Lebensbilder, Vol. 1, Lebensbilder des 19. Jahrhunderts, Magdeburg 1926, pp. 65–70.