Johannes Pietsch
| Johannes Pietsch | |
|---|---|
 Johannes "JJ" Pietsch en Londono, 2025
| |
| Bazaj informoj | |
| Naskonomo | Johannes Pietsch |
| Naskiĝo | 29-an de aprilo 2001 (24-jaraĝa) en Vieno |
| Ĝenroj | pop-muziko • opero |
Johannes PIETSCH (germane, prononco [jo:HAnes PI:Ĉ], artista nomo JJ: naskiĝinta la 29-an de aprilo 2001 en Vieno) estas aŭstra kantisto kaj kontratenoro. Prezentinte la kanton Wasted Love[1] li venkis en majo 2025 en Bazelo ĉe la Eŭrovido-Kantokonkurso tiujara.
Vivo
[redakti | redakti fonton]Estante filo de aŭstra IT-fakulo kaj filipina kuiristino li pasigis la junulajn jarojn en Dubajo. Revenis la familio al Aŭstrujo en la jaro 2016-a. Tiutempe Pietsch frekventis la faklernejon de la Viena Ŝtata Operejo.[2] En 2023 ekstudis li ĉe MUK, privata altlernejo de la urbo Vieno por muziko kaj artoj estante diŝciplo de Linda Watson. En 2020 li partoprenis ĉe la konkurso The Voice UK post kiam li maltrafis la germanian The Voice of Germany pro ne ĝustatempa aliĝo.[3] Tie li venis ĝis la tria lasta finala rondo. La sekvintan jaron li aŭdeblas ĉe la kvina eldono de Starmania.[4]
En la 30-a de januaro estis anoncita lia konkurskandidatiĝo en Bazelo en majo 2025,[5] per la kanto Wasted Love kiun kunkomponis Teodora Špirić[6]. Finfine li superis ĉiujn aliajn kantistojn.[7]
Johannes Pietsch montriĝis kontraŭa al la partopreno de Israelo en la Eŭrovido-Kantokonkurso, komparante ĝian kazon kun tiu de Rusio kiu ne rajtas partopreni estante atakanta lando, same kiel kontraŭa al la sistemo de voĉdonado.[8]
Pietsch parolas krom la germanan ankaŭ la anglan, la francan kaj la tagalogan. Li estas kviro.[9]
Eksteraj ligiloj
[redakti | redakti fonton]- informoj ĉe discogs.com
- hejmpaĝo de MUK-altlernejo en Vieno (trejna institucio de Pietsch)
Notoj
[redakti | redakti fonton]- ↑ kanto-video
- ↑ "Countertenor JJ vertritt Österreich beim Eurovision Song Contest" - ĉe: Der Standard, 30.1.2025
- ↑ Christian Ude: "Johannes Pietsch alias JJ: Junger Countertenor singt für Österreich beim ESC" - ĉe: Kleine Zeitung, 30.1.2025
- ↑ "Countertenor: JJ bringt Pop und Oper zum Song Contest" - ĉe: ORF.at, 30.1.2025
- ↑ "MUK-Student Johannes Pietsch vertritt Österreich beim Song Contest 2025" - ĉe: wien.gv.at, 30.1.2025
- ↑ "JJ - Von der Staatsoper in den ESC-Zirkus" - ĉe: oe3.orf.at, 30.1.2025
- ↑ "Sensation perfekt. Österreich gewinnt den Song-Contest" - ĉe: ORF.at, 18.5.2025
- ↑ JJ, el ganador de Eurovisión 2025, se pronuncia contra la presencia de Israel en el certamen Público, 21a de majo 2025, alirita la 22an de majo 2025.
- ↑ Fabian Girschick: "Ich freue mich, die queere Community zu repräsentieren" - ĉe: queer.de, 18.3.2025