John Greenleaf Whittier
| John Greenleaf Whittier | |||||
|---|---|---|---|---|---|
| |||||
| Persona informo | |||||
| John Greenleaf Whittier | |||||
| Naskiĝo | 17-an de decembro 1807 en Haverhill | ||||
| Morto | 7-an de septembro 1892 (84-jaraĝa) en Hampton Falls | ||||
| Tombo | Union Cemetery (en)  Masaĉuseco  vd
| ||||
| Religio | Kvakerismo vd | ||||
| Lingvoj | angla vd | ||||
| Ŝtataneco | Usono vd
| ||||
| Partio | Respublikana Partio vd
| ||||
Subskribo 
| |||||
| Familio | |||||
| Patro | John Whittier (en) vd
| ||||
| Gefratoj | Elizabeth Hussey Whittier (en) kaj Mathew Franklin Whittier (mul) vd
| ||||
| Profesio | |||||
| Okupo | verkisto ĵurnalisto poeto advokato vd
| ||||
| Verkado | |||||
| Verkoj | Child Life: a collection of poems ❦ Centennial Hymn ❦ A Dream of Summer ❦ Harvest Hymn ❦ Hymn ❦ The Eternal Goodness ❦ Laus Deo! ❦ My Birthday ❦ My Psalm ❦ Our Country ❦ The Corn-Song ❦ The Fishermen ❦ The Light That Is Felt ❦ The Poor Voter on Election Day ❦ Song of the Negro Boatmen ❦ Snow-Bound: A Winter Idyl vd | ||||
| |||||
| vd | Fonto: Vikidatumoj | ||||
John Greenleaf WHITTIER (n. la 17-an de decembro 1807 en Haverhill, Masaĉuseco; m. la 7-an de septembro 1892 en Hampton Falls, Nov-Hampŝiro) estis usona poeto.[1]
Kiel ĵurnalisto, li komencis sian karieron laborante por diversaj gazetoj en Haverhill kaj Bostono kaj fariĝis kunredaktisto de la New England Weekly Review. Ĉi tiu revuo, eldonita en Hartford, Konektikuto, estis la ĉefa porparolanto de la Whigs tiutempe. Whittier estis kvakero kaj aktiva kontraŭulo de sklaveco en la sudaj ŝtatoj. Li estis membro de la Usona Kontraŭsklaveca Societo. Li esprimis siajn aboliciistajn ideojn en sia ĵurnalista verko, same kiel en poemoj kiel Ichabod.
Li verkis agit-ĵurnalisman kaj reflekteman-religian poezion, inkluzive de sonetoj , baladoj kaj himnoj. Liaj publikigitaj volumoj inkluzivas Legends of New England (1831), Lays of My Home (1843), Voices of Freedom (1846), Songs of Labor (1850), The Panorama (1856), kaj Home Ballads and Poems (1860). Aldone al sia ampleksa poezio, li ankaŭ publikigis unu romanon, Leaves from Margaret Smith's Journal (1849). Alia tre konata libro estas Snow-Bound. En 1871 li estis elektita al la Usona Akademio de Artoj kaj Sciencoj.
Kiam la Dektria Amendo al la Usona Konstitucio estis pasigita en 1865, sklaveco estis malpermesita, kaj tiel liaj klopodoj estis kronitaj per sukceso. Lia pli posta poezio tial rondiris ĉirkaŭ aliaj temoj.
Dum sia vivo, Whittier estis unu el la plej respektataj literaturaj figuroj en Usono; nuntempe, li estas preskaŭ forgesita. Nur kelkaj el liaj himnoj estas ankoraŭ kantataj hodiaŭ, precipe "Kara Sinjoro" kaj "Patro de la Homaro".
Multaj pejzaĝoj kaj lokoj estis nomitaj laŭ li, inkluzive de la origine kvakera setlejo Whittier en Kalifornio, Whittier en Alasko, kaj Monto Whittier en Kantono Carroll, Nov-Hampŝiro, en la nordaj Ossipee-Montoj.
Referencoj
[redakti | redakti fonton]- ↑ Pickard T. Samuel, Life and Letters of John Greenleaf Whittier, Haskell House Publishers, New York (1907); (ISBN 0-8383-0191-6)
Eksteraj ligiloj
[redakti | redakti fonton]- Verkoj de John Greenleaf Whittier ĉe Projekto Gutenberg
- "Rememoradoj de la Poeto Whittier", Parto 1 en majo 1895 eldono de La Bookman (Nov-Jorko)
- "Rememoradoj de la Poeto Whittier", Parto 2 en junio 1895 eldono de La Bookman (Nov-Jorko)
- Vortoj de Whittier sur IMSLP
- "Memoroj", poemo eldonita en Helen Eliza Garrison. Monumento, de William Lloyd Garrison (paĝo 80)