Kaiser

El Vikipedio, la libera enciklopedio
Salti al navigilo Salti al serĉilo
Kaiser de la Aŭstria Imperio, Francisko la 1-a (1804–1835).

Kaiser[1] estas la germanlingva vorto por "imperiestro". Same kiel la Bulgara, Serba kaj Rusa Caroj, ĝi rekte derivas el la titolo de la Romiaj imperiestroj Caesar, kiu siavice estas derivita el persona nomo de branĉo de la gens (klano) Julia, al kiu apartenis Julio Cezaro, nome praulo de la unua imperia familio. Kvankam la Britaj monarkoj kiel "Imperiestroj de Hindio" estis nomataj ankaŭ "Kaisar-i-Hind" en Hindia kaj Urdua, tiu vorto, kvankam finfine kunhavanta la saman Latinan originon, derivis el la Greka lingvo: Καῖσαρ (kaisar), ne de la Germana Kaiser.[2]

En Angla lingvo, la termino 'the Kaiser' estas kutime rezervita por la imperiestroj de la Germana Imperio kaj de la imperiestroj de la Aŭstria Imperio. Dum la Unua Mondmilito, kontraŭ-germana sento estis pinta; tiele la termino the Kaiser — speciale aplikita al Vilhelmo la 2-a de Germanio — akiris konsiderinde negativajn konotaciojn, ĉefe en angle parolantaj landoj.

Notoj[redakti | redakti fonton]

  1. En Esperanto foje kajzero, ekzemple ĉe la hispan-esperanta vortaro de de Diego [1] Alirita la 7an de Majo 2018.
  2. Witzel, M. "Autochthonous Aryans? The Evidence from Old Indian and Iranian Texts", p. 29, 12.1 (kiel Urdua kaisar). [2] Alirita la 7an de Majo 2018.