Kajo Mario

El Vikipedio, la libera enciklopedio
Saltu al: navigado, serĉo
Busto, kiu eble prezentas Marion

Kajo MarioGaius Marius en latino, naskiĝinta en 158 aŭ 157 a. K. en Cereatae ĉe Arpino, mortinta la 13-an de januaro -86 en Romo, estis romia armeestro kaj politikisto.

Li sepfoje estis romia konsulo (kvankam leĝo tion malpermesis), pli ofte ol iu ajn antaŭ li. Pro venkoj kontraŭ la numidoj kaj ĝermanaj-gaŭlaj atakantoj li estis honorata kiel savanto de Romio kaj kiel ĝia "tria fondinto".

Lia edzino Iulia estis onklino de Julio Cezaro. Kun ŝi li havis filon, kiu ricevis lian nomon (Gaius Marius filo).

Marius mortis en −86, du semajnojn post la komenco de sia sepa konsuleco, pro malsano. Kelkajn jarojn poste lia kontraŭulo Lucio Kornelio Sulao igis eltombigi liajn ostojn kaj ĵeti ilin en riveron.