Kanĉipuram

Kanĉipuram
Administrado
Poŝtkodo	631501 [+]
En TTT	Oficiala retejo [+]
Demografio
Loĝantaro	164 384 (2011) [+]
Loĝdenso	14 026 loĝ./km²
Geografio
Geografia situo	12° 50′ N, 79° 42′ O (mapo)12.83083333333379.707777777778Koordinatoj: 12° 50′ N, 79° 42′ O (mapo) [+]
Alto	88 m [+]
Areo	11,72 km² (1 172 ha) [+]
Horzono	UTC+05:30 [+]
	Situo de Kanĉipuram
	Situo de Kanĉipuram
Alia projekto
	Vikimedia Komunejo Kanchipuram [+]
	v • d • r

Kanĉipuram, kāñcipuram; [kaːɲdʑipuɾam]^[1]ofte pli mallonge Kanĉi, tamile காஞ்சிபுரம் estas urbego en la samnoma distrikto Kanĉipuram (kie estas la distrikta sidejo), en subŝtato Tamilnado, en sudorienta Barato. Ĝi estis deklarita heredaĵurbo kaj ankaŭ signifa pilgrimloko. Kanĉi estas konata kiel urbo de mil temploj, nun ekzistas 124 temploj precipe el la 7-a jarcento.

Oficejo en Kanĉipuram

Geografio[redakti | redakti fonton]

Kanchipuram situas sur ebenaĵo en averaĝa alteco de 88 metrojn laŭ maldekstra bordo de rivero, kontraŭ etendiĝas Pallavaram. Tiu urbego troviĝas 8, subŝtata ĉefurbo Ĉenajo 60, Velor 63, Ĉitur 78, Mumbajo 1003, Kolkato 1418, tutlanda ĉefurbo Delhio 1775 kilometrojn (aere) [1].

Strato en Kanĉipuram

Demografio[redakti | redakti fonton]

En 2011 Kanĉipuram havis 164 265 da loĝantoj. En la malfruaj 1960-aj jaroj Kanĉipuram atingis la internacian klasifikon urbego (pli granda, ol cent mil). Proksimume 8 milionoj da pilgrimantoj vizitas la urbegon ĉiujare.

Historio[redakti | redakti fonton]

Kanĉipuram jam ekzistis en la antaŭkristanaj tempoj. En la 3-a jarcento post Kristo la dinastio de Andra-Pradeŝo etendis sian influkampon kaj baldaŭ igis ĝin sia ĉefurbo. La dinastio estis patronoj de hinduismo, sed Kanchipuram ankaŭ estis grava centro de buudhismo kaj ĝajnismo. Tiam estis glortempo de la urbo. Post konkero de la Ĉola dinastio en la 9-a jarcento Kanĉipuram perdis sian rolon kiel rega sidloko, sed restis grava religia centro. De la 13-a jarcento la dinastioj ofte ŝanĝiĝis, fine venis la Brita Orienthinda Kompanio.

Ekonomio[redakti | redakti fonton]

La plej gravaj okupoj de Kanĉipuram estas la silka teksado kaj agrikulturo. En la lasta branĉo la rizoj kaj kotonoj dominas.

Religio kaj lingvoj[redakti | redakti fonton]

Kanĉipuram havis 93.38% hinduojn, 5.24% islamanojn, 0.83% kristanojn. En la hindua teologio la urbo estas unu el la sep pilgrimejoj por spirita liberigo. La ĉefa lingvo estas la tamila.

Eduko[redakti | redakti fonton]

La universitato, kiu ekzistis en la unuaj jarcentoj post Kristo, estis konsiderita grava loko de sanskrita kaj tamila lernadoj. Kanĉipuram estis religiema centro de progresinta eduko por ĝajnismo kaj budhismo inter la unua kaj 5-a jarcentoj.

Trafiko[redakti | redakti fonton]

Kanĉipuram estas bone ligita voje kaj fervoje al la proksimaj areoj. Du pontoj trairas la riveron. La plej proksima internacia flughaveno funkcias en Ĉenajo.

Klimato[redakti | redakti fonton]

Municipa oficejo

Kanĉipuram situas en tropika klimato (Aw) laŭ klimata klasifiko de Köppen kun musonoj. Jare pluvas averaĝe 1104 mm. En ĉiuj monatoj pluvas, tamen en la dua jarparto pli ofte. La temperaturo varias inter 23-32 °C.