La kantono 10, jen la nun oficiale plej ofte uzata nomo, ankaŭ nomata kantono Livno laŭ la ĉefurbo aŭ Okcident-bosna kantono respektive simple Okcidenta Bosnio (bosnekanton 10 aŭ Livanjski kanton, kroateŽupanja 10 aŭ Hercegbosanska županija, serbeКантон 10) estas unu el la dek kantonoj de la Federacio Bosnio kaj Hercegovino. La administra centro estas Livno (do la ekzekutivo), dum la kantona asembleo estas en Tomislavgrad (do la legislativo). Laŭ la stato de 2013 en la kantona teritorio vivis 80 708 loĝantoj sur areo de 4 934,1 kvadrataj kilometroj, kio rezultigas loĝdenson de 16 loĝantoj/km². Sekve la kantono estas la plej vasta, sed ankaŭ malplej dense loĝata el la dek kantonoj.
Vikimedia Komunejo: Canton 10 [+]
