Katalunaj Kongresoj de Esperanto

El Vikipedio, la libera enciklopedio
Saltu al: navigado, serĉo

La Katalunaj Kongresoj de Esperanto estas Esperanto-kongresoj organizitaj unue de Kataluna Esperantista Federacio kaj poste de Kataluna Esperanto-Asocio. Ilia historio sekvas la avatarojn de la kataluna Esperanto-movado.

La unua kongreso okazis en 1910 en Sabadell, fondo-jaro de Kataluna Esperantista Federacio. La kongresoj okazis ĉiujare ĝis organiza krizo kaŭzita de la Unua mondmilito. En la 1920-aj jaroj denove ili kaptis sian jaran ritmon, sed la diktaturo de generalo Miguel Primo de Rivera (1923-1930) kaŭzis la malfondon de KEF, decidita en la kongreso de Vinaròs (1928). La starigo de la Dua Hispana Respubliko (1931-1939) permesis la reokazigon de la kongresoj, sed la ekflagro de la hispana enlanda milito (1936-1939) denove ilin ĉesigis.

Dum la diktaturo de generalo Francisco Franco (1939-1975) ne eblis organizi katalunajn Esperanto-kongresojn, sed ekde la 1950-aj jaroj okazis unue Barcelon-Provincaj Esperantistaj Renkontiĝoj kaj poste Katalunaj Esperantistaj Renkontiĝoj.

Post la fondiĝo de Kataluna Esperanto-Asocio en 1980, la kongresoj reokazis. La unua post-milita kongreso denove estis aranĝita en Sabadell kaj la numerado de la kongresoj estis konservita (la 19-a kongreso de 1982 sekvas la 18-an de 1936). Depost 1987 la kongresoj fariĝis du-jaraj.

Listo de kongresoj[redakti | redakti fonton]

  1. 1910 Sabadell (Vallès Occidental)
  2. 1911 Tarragona (Tarragonès)
  3. 1912 Terrassa (Vallès Occidental)
  4. 1913 Olot (Garrotxa)
  5. 1914 Sant Feliu de Guíxols (Baix Empordà)
  6. 1915 Vilanova i la Geltrú (Garraf)
  7. 1916 Reus (Baix Camp)
  8. 1919 Manlleu (Osona)
  9. 1921 Girona (Gironès)
  10. 1923 Manresa (Bages)
  11. 1924 Vic (Osona)
  12. 1925 Ciutat de Mallorca (Mallorca)
  13. 1926 Santa Coloma de Farners (Selva)
  14. 1927 Sóller (Mallorca)
  15. 1928 Vinaròs (Baix Maestrat)
  16. 1933 El Vendrell (Baix Penedès)
  17. 1935 Ripoll (Ripollès)
  18. 1936 Manresa (Bages)
  19. 1983 Sabadell (Vallès Occidental)
  20. 1984 Olot (Garrotxa)
  21. 1985 Sant Cugat del Vallès (Vallès Occidental)
  22. 1986 Lleida (Segrià)
  23. 1987 Barcelona (Barcelonès)
  24. 1989 Perpinyà (Rosselló)
  25. 1991 Tarragona (Tarragonès)
  26. 1993 Alcúdia (Mallorca)
  27. 1995 Mataró (Maresme)
  28. 1997 Figueres (Alt Empordà)
  29. 1999 Manresa (Bages)
  30. 2001 Girona (Gironès) (fotoj)
  31. 2002 Sóller (Mallorca) (fotoj)
  32. 2004 Ceret (Vallespir) (fotoj)
  33. 2006 Amposta (Montsià) (informoj fotoj infokiso)
  34. 2008 Sabadell (Vallès Occidental) (informoj)

Eksteraj ligiloj[redakti | redakti fonton]