Ellen Kate Limouzin

El Vikipedio, la libera enciklopedio
(Alidirektita el Kate Limouzin)
Jump to navigation Jump to search
Ellen Kate Limouzin
Personaj informoj
Naskiĝo 27-an de oktobro 1870 (1870-10-27)
Morto 21-an de junio 1950 (1950-06-21) (79-jara)
Profesio esperantisto, sufrageto
Lingvoj Esperanto, angla lingvo, franca lingvo
Familianoj
Edz(in)o

Eugène Lanti

v  d  r
Information icon.svg

Elaine LIMOUZIN[1][2], interfamiliane Aunt Nellie (esperante Onklino Nellie), formale (angle) Ellen Kate LIMOUZIN kaj oficiale (france) Hélène Kate LIMOUZIN-ADAM[3][4] (naskiĝis la 27-an de oktobro 1870 en Brita Hindio, mortis la 21-an de junio 1950 en Francio[4]) estis angla sufrageto, socialisto kaj esperantisto, aktiva en la movado de Sennacieca Asocio Tutmonda (SAT).

Biografio[redakti | redakti fonton]

Limouzin naskiĝis en Brita Hindio, en la aristokrateca familio de Frank kaj Theresa Limouzin, kaj poste translokiĝis al Londono. La kontrastoj vidataj en ambaŭ mondopartoj, en la rilatoj inter klasoj, kastoj kaj seksoj, radikaligis ŝin, kaj ŝi fariĝis feminista kaj komunista.

Aunt Nellie, kiel ŝi ofte estis nomata, estis onklino de la fama verkisto George Orwell, kiu foje gastis ĉe ŝi kaj Lanti dum sia restado en Parizo. Dum tiu tempo, Limouzin kaj Lanti multe politike influis la tiame junan Orwell.[5] Laŭ Bernard Crick, Limouzin estis vivstile intelektulo kaj bohemiano. Familie ŝi estis la plej ŝatata familiano de Orwell.[6]

Esperanta vivo[redakti | redakti fonton]

Fine de 1921 ŝi aliĝis al la ĵus naskita SAT. En tiu rondo, ŝi konatiĝis kun Eŭgeno Lanti en 1923, kaj post iom da tempo ili ekloĝis kune en Parizo. Ili edziĝis en 1934, sed en 1936 Lanti foriris por mondvojaĝo el kiu li ne plu revenos pro nekuracebla malsano.

Referencoj[redakti | redakti fonton]

  1. CRICK, Bernard. (1992) “8: Bookshop Days (1934-35)”, George Orwell: A Life (angle). Penguin.
  2. ORWELL, George. (2017) “Notes”, The Collected Non-Fiction (angle). Penguin, p. 299.
  3. BRENNAN, Michael G.. (2016) George Orwell and Religion (angle). Bloomsbury Publishing, p. 2.
  4. 4,0 4,1 Somerville, Matthew. Elaine Limouzin (angle). Alirita 2018-10-02.
  5. BRENNAN, Michael G.. (2016) George Orwell and Religion (angle). Bloomsbury Publishing, p. 26.
  6. CRICK, Bernard. (1992) “5: An Englishman in Burma (1922–7)" kaj "6: Going Native in London and Paris (1928–31)”, George Orwell: A Life (angle). Penguin.