Kenigsbergaj klopsoj
| Kenigsbergaj klopsoj | |||
|---|---|---|---|
 Kenigsbergaj klopsoj kun boligitaj terpomoj
| |||
| Aliaj nomoj | Königsberger Klopse | ||
| Kie estas manĝata |  Germanio
| ||
| Ĉefaj ingrediencoj | viandhaketaĵo | ||
| Origino | Kenigsbergo, Germanio
| ||
La kenigsbergaj klopsoj estas orientprusia manĝaĵo, nome de germana kuirarto, kiu konsistas el viandobuloj en blanka saŭco kun kaporoj.
Nomo
[redakti | redakti fonton]La manĝaĵo ŝuldas la nomon al la urbo Kenigsbergo (germ. Königsberg, hodiaŭ Kaliningrado, Rusio) kaj estas unu el la plej gravaj kuirartaj specialaĵoj de Orienta Prusio. En Germana Demokratia Respubliko oficiale oni nomis ĝin Kochklopse (boligitaj viandobuloj) por eviti ajnan referencon al la urbo, kiu post la dua mondmilito ektroviĝis en Sovetio[1].
Preparado
[redakti | redakti fonton]La klopsojn oni faras miksante viandon (bovidaĵon, porkaĵon aŭ bovaĵon) kun bulko trempita en akvo aŭ lakto, cepoj, ovoj, pipro (blanka), salo kaj muskatnukso. Tradicia ingredienco estas ankaŭ anĉovoj. La viandobuletojn oni boligas en salita akvo, kiu iĝas buljono. La buljonon oni miksas kun faruno, kremo, ovoflavo kaj kaporoj.
La kenigsbergajn klopsojn oni tradicie servas kun beto kaj boligitaj terpomoj, aŭ, malpli ofte, kun rizo[2].
Referencoj
[redakti | redakti fonton]- ↑ Peter Peter: Kulturgeschichte der deutschen Küche, C.H.Beck 2008, (ISBN 3-406-57224-3)
- ↑ La Kenigsbergaj klopsoj ĉe Frankfurter Allgemeine
Eksteraj ligiloj
[redakti | redakti fonton]- La Kenigsbergaj klopsoj: Kaliningrada felietono de Halina Gorecka, Radio Esperanto, №41