Kierling
Kierling [Kirling] estas katastrala komunumo (loko) de la urba komunumo Klostronovburgo (germane Klosterneuburg), urbo de la Interpopola Kompreniĝo, en la federacia lando Malsupra Aŭstrio kun ĉirkaŭ 3,000 loĝantoj. Poŝtkodo: 3400. Vilaĝestro Markus Fuchs (ÖVP).
Antaŭe estis Kierling tre ŝatata ripozloko por pulmomalsanuloj, Franz Kafka loĝis la lastajn monatojn de sia vivo pro pulmomalsano en Kierling.
Geografio[redakti | redakti fonton]
La katastrala areo de 11,5 km² kun 25 km limlongeco situas 213 m super la maro. Norde kaj sude de la Kierling-valo supreniras deklivoj de la vienaj arbarmontoj kaj sekve limas la loko proksimume sude je Weidling-valo [Vajdling] kaj norde je Hadersfeld respektive Kritzendorf (Kricendorf).
Historio[redakti | redakti fonton]
Unuaj fruŝtonepokaj arkeologiaj trovaĵoj atestas loĝatecon de Kierling ekde ĉirkaŭ 3 000 jaroj antaŭ Kristo. Jam en la jaro 1072 estis Kierling unuafoje dokumente menciita, sed tiam sub la nomo "Chirchlingen" [Ĥirĥlingen].
Vidindaĵoj[redakti | redakti fonton]
* Paroĥa preĝejo Sanktaj Petro kaj Paŭlo kun malnovaj romanikaj fundamentaj muroj de la prapreĝejo, la internaj ĉambroj de la novromanika preĝejo estis en novarta stilo.
* Kafka monumento el sabloŝtona bloko kun busto el bronzo kaj monumenta skribo.
* Iama sanatorio Hoffmann. En la domo de ĉefstrato n-ro 187 ekzistis ekde 1913 la privata sanatorio de d-ro Hugo Hoffmann. Je la 19-a de aprilo 1924 oni transportis Franz Kafka en la sanatorion kun laringa tuberkulozo kaj li mortis tie la 3-an de junio 1924. Nuntempe estas en la domo aranĝita kunven- kaj memorigĉambroj de la Aŭstra Societo Franz Kafka.
* Muzeo de Kierling kun ampleksa kolekto da tonditaj siluetoj.
* Burgo de ĉaroj estas kolekto da ĉaroj kaj veturiloj en la aera parto de la muzeo.
-
Busto de Franz Kafka en Kierling
-
Franz Kafka monumento en Kierling
-
Franz Kafka memorigejo, iama sanatorio
-
Muzeo de Kierling
-
Burgo de ĉaroj en Muzeo
-
Forĝista balgoblovilo en Muzeo
-
Armea Bakveturilforno en Muzeo
Eksteraj ligiloj[redakti | redakti fonton]
Kierling: http://klosterneuburg.riskommunal.net/system/web/zusatzseite.aspx?menuonr=220477650&detailonr=220503934 germane
Muzeo de Kierling: http://www.museumkierling.com/ germane