Kimrlingva Vikipedio
| Kimrlingva Vikipedio | |
|---|---|
 | |
| Retadreso | cy.wikipedia.org |
| Kategorio | Vikipedio (libera reta enciklopedio) |
| Lingvo | kimra |
| Posedanto | Fondaĵo Vikimedio |
| Statistikoj | |
| je la 25-a de aprilo 2025 | |
| Artikolnombro | 282 022 |
| Profundeco | 18.2 |
| Paĝoj | 516 550 |
| Redaktoj | 13 605 472 |
| Uzantoj | 97 038 |
| Aktivaj uzantoj | 107 |
| Administrantoj | 11 |
| Dosieroj | 11 662 |
La kimrlingva Vikipedio aŭ pli bone prononceble kimralingva Vikipedio estas aŭtonomeca eldono de Vikipedio en la kimra lingvo. Sialingve ĝi havas la titolon icipedia Cymraeg. La projekto fondiĝis en julio 2003. La 25-an de aprilo 2025 ĝi enhavas 282 022 artikolojn.
La 23-an de junio 2007, ĝi atingis 10 000 artikolojn, la 66-an Vikipedio kiu sukcesis tion. La 20-an de novembro 2008, ĝi atingis 20 000 artikolojn. Malpli ol jaron poste, la 28-an de oktobro 2009, ĝi atingis 25.000 artikolojn. En julio 2013 ĝi atingis 50 000 artikolojn kaj laŭ la stato de oktobro 2021 estis la 62-a plej granda Vikipedia eldono. Ĝi estas la sola tiaspeca interreta rimedo en la kimra lingvo kaj havas mezume 2,7 milionojn da vizitoj ĉiumonate, kio igas ĝin la plej populara retpaĝo en la kimra lingvo. Ĝi do havas gravan lokon en la kimralingva retkulturo.
