Kinder Surprise
| Kinder Surprise | ||
|---|---|---|
.png){kind=logo} | ||
 | ||
food brand (en)  registrita marko  | ||
| Dum | nekonata - nekonata/nuntempe | |
| Posedata de | FERRERO International vd | |
| TTT | Oficiala retejo | |
Kinder Surprise aŭ Kinder-ovo [1][2] (itale Kinder Sorpresa, signifante "infana surprizo", de la germana: Kinder, signifante "infanoj") estas ĉokolada ovo kun surprizo, enhavanta ludilon interne. La varmarko apartenas al la itala firmao Ferrero.
La produkto konsistas el ĉokolada ovo, kun interna tavolo de blanka ĉokolado , enhavanta plastan kapsulon kun surprizo - kutime pupo aŭ malgranda ludilo konsistanta el pluraj interligitaj partoj - interne, simile al la principo de paska ovo.
La ovo konsistas el 20 gramoj da ĉokolado en du-tavola ŝelo, bruna ekstere kaj blanka interne. Interne de la ovo, en kutime flava plasta envolvaĵo, estas truka figuro aŭ malgranda konstrukompleto. Kelkaj el la figuroj el la Kinder Surprise Eggs aperas sufiĉe malofte kaj do estas dezirataj de kolektantoj.
Ekzistas variaj tipoj: La Kinder Surprise Maxi -versio enhavas 100 gramojn da ĉokolado, la Kinder Surprise Giant Egg -versio enhavas 220 gramojn.
La ideo produkti ovformajn manĝaĵojn naskiĝis en 1968, kune kun linio de produktoj por infanoj nomata Kinder Ferrero de inventinto William Salice. La produktado de ĉokoladaj ovoj fare de ĉi tiu firmao komenciĝis en 1974. [3][4][5] Ekde tiam ĉirkaŭ 30 miliardoj da ovoj estis vendita tutmonde. [6][7][8]
Ludiletoj Kinder Surprise estas popularaj kolektaĵoj inter kaj infanoj kaj plenkreskuloj. Ferrero ofertas pli ol cent malsamajn surprizojn ĉiujare. La ideo meti ludileton en ĉokoladan ovon estas multe pli malnova ol Kinder Surprise, ĉokoladaj ovoj kun ludiletoj estis popularaj jardekojn antaŭ ol Salice eĉ naskiĝis.
Ekzistas multaj ludilaj opcioj - roluloj el popularaj desegnofilmoj kaj bildstrioj, aŭtoj, motorcikloj, aviadiloj kaj helikopteroj, bestoj, birdoj kaj tiel plu, inkluzive eĉ USB-memorilojn kun komputilludoj. Kelkaj el la ludiletoj estas tre maloftaj kaj vendiĝas je altaj prezoj.
La ludilo interne de la ovo estas fabrikita de multaj malsamaj fabrikantoj. Ĝi ofte devas esti kunmetita (aŭ muntita) de la aĉetanto mem, laŭ la ĉemetitaj instrukcioj.
Kinderegg-oj estas vendataj en multaj mondopartoj, kun kelkaj esceptoj. Unu ekzemplo estas Usono, kie la produkto estas kontraŭleĝa pro regulo malpermesanta dolĉaĵojn enhavantajn nemanĝeblajn partojn, inkluzive de ludiloj, en la pakaĵo. [9]
En la reklamo, la Kinder-ovo estas prezentita kiel triparta sperto sub la nomo Kinder Surprise
- Surprizo
- Defio (rilate al konstruado)
- Ĉokolado
Referencoj
[redakti | redakti fonton]- ↑ Harriet Pavey. "Kinder eggs go back on sale in the US - almost 50 years after they are banned", Evening Standard, 15 Nov 2017.
- ↑ "Kinder Eggs will soon hit store shelves in the U.S.", PhillyVoice, 29 May 2017.
- ↑ "Kinder Surprise USA: Why These Eggs Are Banned South of the Border", HuffPost, 26 January 2016.
- ↑ "Kinder Egg Is Coming to America", Fortune (magazine), 22 May 2017.
- ↑ "Americans have been denied the joy of a Kinder Surprise ... until now", 25 May 2017.
- ↑ "Kinder Surprise 'unwrap videos' on YouTube mesmerize children", Toronto Star, 8 November 2015.
- ↑ "Wal-Mart to sell Australian rival to Kinder Surprise chocolates in U.S.", Reuters, 17 September 2014.
- ↑ "America's choke hold on Kinder Surprise", Winnipeg Free Press, FP Canadian Newspapers Limited Partnership, 29 January 2011.
- ↑ Kinder Surprise Packaging Warning labels. Arkivita el la originalo je 2015-09-24. Alirita 2025-06-30 .
Vidu ankaŭ
[redakti | redakti fonton]- Easter ovo
- Kapsula ludileto
- Choco Trezoro
- Listo de sukeraĵaj markoj
- Wonder Ball Mira Pilko
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Kinder Surprise – (Kolekto de bildoj kaj plurmediaj dosieroj)