Kongreso de Anahŭako
La Kongreso de Anahŭako, en hispana Congreso de Anáhuac, nomita ankaŭ Congreso de Chilpancingo, estis kunvokita en Chilpancingo en la tiama Provinco Tecpan, la 13a de Septembro 1813 de José María Morelos y Pavón. Ĝi estis la unua sendependema kongreso kiu anstataŭis la Junton de Zitácuaro, deklarante la sendependecon de Nordameriko el la Hispana Imperio.
En tiu evento, Morelos legis dokumenton kiun li nomis Sentimientos de la Nación (sentoj de la lando), en kiu li emfazas la gravon de la homaj rajtoj kaj de la libereco. Tiu dokumento estas konata kiel la unua antaŭaĵo de la Politika Konstitucio de la Meksikaj Unuiĝintaj Ŝtatoj.
La Kongreso abolis la sklavecon, establis la rajtojn de la popolo, sen distingo de klasoj nek de kastoj; ordonis la dispartigon de la latifundioj (bienoj de pli ol du leŭgoj), kaj voĉdonis la deklaracion de sendependigo.
La 22an de Oktobro 1814, en Apatzingán, la kongreso ratifis la Konstitucian Dekreton por la Libereco de la Meksika Ameriko, konata ankaŭ kiel la Konstitucio de Apatzingán.
Partoprenantoj[redakti | redakti fonton]
Partoprenus en la Kongreso jenaj politikistoj:
- Ignacio López Rayón, deputito de la provinco Nueva Galicia;
- José Sixto Verduzco, deputito de la provinco Michoacán;
- José María Liceaga, deputito de la provinco Guanajuato;
- Andrés Quintana Roo, deputito de la provinco Puebla;
- Carlos María Bustamante, deputito de la provinco México;
- José María de Cos, deputito de la provinco Zacatecas;
- Cornelio Ortiz Zárate, deputito de la provinco Tlaxcala;
- José María Murguía, deputito de la provinco Oaxaca;
- José Manuel de Herrera, deputito de la provinco Tecpan;
- Carlos Enríquez del Castillo, sekretario.
Bibliografio[redakti | redakti fonton]
- Flores Rangel, Juan José (2002). Historia de México. Limusa (p. 178). ISBN 9706861793.