Kongreso de Eŭropa Esperanto-Unio

El Vikipedio, la libera enciklopedio
Jump to navigation Jump to search
Esperanta Eŭropa Flago.jpg

KEEU estas la Kongreso de Eŭropa Esperanto-Unio.

La 6-a okazis en aŭgusto de 2004 en Bilbao, Hispanio. Partoprenis ĝin 284 Esperantistoj el 24 landoj. La rezolucio de Bilbao interalie invitas EU-parlamentanojn establi interpartian grupon pri lingva egalrajteco. Okazis pluraj prelegoj, kulturaj programoj kaj ekskursoj. En la inaŭguro festprelegis pri la temo "Eŭropa Unuiĝo: Esperanto por multlingva mondo" Michael Cwik el Belgio. Aliaj prelegoj temis pri Historio de la vaska laborista movado (A. del Barrio), Vidpunktoj pri Eŭropa Unio el neunia lando (A. Nikolaeva); Juraj aspektoj pri la pligrandigo de Eŭropa Unio (Rafaela Urueña); Kian Eŭropon ni volas aŭ bezonas (Michael Cwik).

La 7-a okazis en julio/aŭgusto de 2007 en Maribor, Slovenio. Partoprenis ĉ. 256 Esperantistoj, inkluzive de 2 Esperantistaj membroj de Eŭropa parlamento (Margareta Handzlik de Pollando kaj Ljudmila Novak de Slovenio). Unuan fojon la kongreso havis nelingvan temon: Akvo.

La 8-a Eŭropa Esperanto-Kongreso okazis samtempe kun la 86-a Germana Esperanto-Kongreso de 28.05.-03.06.2009 en Herzberg am Harz - la Esperanto-urbo, Germanio. La ĉeftemo estis: "Esperanto por multkultura Eŭropo". Aliĝis pli ol 350 homoj el 28 landoj.

Nomoj de la kongresoj[redakti | redakti fonton]

La nomoj tre varias. La kongreso en Herzberg en 2009 nomiĝas laŭ la oficiala retpaĝo "8a Eŭropa Esperanto-Kongreso". Tiu en Maribor en 2007 ŝajne estis "7-a Kongreso de Eŭropa Esperanto-Unio". La antaŭa en Bilbao 2004 estis laŭ Eventoj "6-a Esperanta Eŭrop-Unia Kongreso (EEU-Kongreso)" kaj laŭ esperanto.ie "6-a Eŭropa Kongreso de Esperanto" aŭ "Sesa Eŭropa Esperanto-Kongreso" (esperanto.ie). La 5-a kongreso en Verono nomiĝas en la reto jen "Eŭropa Esperanto-Kongreso", jen "Eŭrop-Unia Esperanto-Kongreso", jen "Eŭropa Kongreso", jen "Kongreso de Eŭropa Esperanto-Unio".

Pli fruaj "Eŭropaj Esperanto-Kongresoj"[redakti | redakti fonton]

Laŭ la Historio de EEU en 1973 okazis "Eŭropa Kongreso de Esperanto" en Luksemburgo. Laŭ la sama fonto tamen la unua "Eŭropa Esperanto-Kongreso" okazis en aprilo 1976 en Eindhoven (Nederlando). Ŝajne poste sekvis paŭzo ĝis en 1992 kunvenis la unua kongreso de EEU.

Listo de kongresoj de EEU[redakti | redakti fonton]

Ĝis nun 9 fojojn okazis Kongreso de Eŭropa Esperanto-Unio (KEEU). En somero de 2008 ĝi okazis en Herzberg am Harz, Germanio, kaj en somero de 2012 en Galivo (Galway/Gaillimh, Irlando)[1]. La temo de la kongreso de 2012 estis "Lerni lingvojn en la EU: lerni pli, kosti malpli".

jaro (vicordo) urbo lando aliĝintoj
2014 (10a) Rijeko Flago-de-Kroatio.svg Kroatio ?
2012 (9a) Galivo Flago-de-Irlando.svg Irlando 157
2009 (8a) Herzberg am Harz Flago-de-Germanio.svg Germanio 350
2007 (7a) Mariboro Flago-de-Slovenio.svg Slovenio 256
2004 (6a) Bilbao Flago-de-Hispanio.svg Hispanio 284
2002 (5a) Verono Flago-de-Italio.svg Italio x
2000 (4a) Ostendo Flago de Belgio malpli alta.svg Belgio x
1997 (3a) Stutgarto Flago-de-Germanio.svg Germanio x
1995 (2a) Parizo Flago-de-Francio.svg Francio pli ol 400
1992 (1a) Verono Flago-de-Italio.svg Italio x

Referencoj[redakti | redakti fonton]

Eksteraj ligiloj[redakti | redakti fonton]