Kosmoteleskopo James Webb
| Kosmoteleskopo James Webb | |
|---|---|
|
| |
| Kosmoteleskopo James Webb, artista vido. | |
| Lando | Usono - Eŭropa Unio - Kanado |
| Organizaĵo | NASA, EKA, KKA. |
| Tipo de misio | Infraruĝa astronomio |
| Lanĉdato | oktobro 2018 |
| Teĥnikaj ecoj | |
| Pezo | Maso : ~ 6 200 kg |
| Aliaj informoj | |
| Retpaĝaro | Retpaĝo de James Webb Space Telescope (angla) |
La Kosmoteleskopo James Webb (angle James Webb Space Telescope aŭ JWST, iame nomita « Next Generation Space Telescope ») estas kosma observatorio kunlabore disvolvita de la NASA, de la Eŭropa Kosma Agentejo kaj de la Kanada Kosma Agentejo. Ĝi estas planita kiel la posteulo de la kosmoteleskopo Hubble[1] ekde 2019 por la observoj en infraruĝa radiado sed ne permesos observojn en videbla nek ultraviola lumoj.
Ĝi estas ekipita per spegulo de diametro 6,5 metroj, ĝia distingokapablo estas 0,1 arksekundo. Ĝi estos, interalie, uzita por observi la unuajn stelojn kaj galaksiojn formitajn tuj post la Praeksplodo.
Orbito[redakti | redakti fonton]
La teleskopo estos lanĉita per porta raketo Ariane 5 elde la gviana kosmodromo de Kourou kaj estos lokita proksime de la punkto de Lagrange L2 de la sistemo Tero - Suno, je distanco de 1,5 milionoj da km de Tero. Tia orbito (tiel nomata haloa orbito) ne estas stabila : la kosmoveturilo devos periode korekti sian lokalizon per malgrandaj raketaj puŝoj ; ĝia rezervo da brulaĵo permesos, ke ĝi restos funcia dum unu deko da jaroj.
Bildoj[redakti | redakti fonton]
Komparo de la grandoj de la speguloj de Hubble kaj James Webb.
Situo de la punkto de Lagrange L2 de la sistemo Tero - Suno
Kosmoteleskopo James Webb vidita de 3/4 desupre.
Kosmoteleskopo James Webb vidita de la latero, kiu frontas al Suno.
Ses segmentoj de spegulo preparitaj por kriogenikaj provoj
Notoj kaj referencoj[redakti | redakti fonton]
Eksteraj ligiloj[redakti | redakti fonton]
- angle James Webb Space Telescope, el la paĝaro de NASA
- angle James Webb Space Telescope, el la paĝaro de Kosmoteleskopo Hubble
- angle James Webb Space Telescope, el la paĝaro de Space Telescope Science Institute
- france La Kosmoteleskopo James Webb, el la paĝaro de la Kanada Kosma Agentejo
- france Centoble pli potenca ol Hubble, la Kosmoteleskopo James Webb estos lanĉita en 2018
- itale James Webb è il telescopio 100 volte più potente di Hubble
