Krapkowice

Ĝemelurboj
	Wissen • Ebersbach-Neugersdorf • Neugersdorf • Komunumaro Wissen • Lipová-lázně • Camas • Rohatino vd

	Krapkowice
	Blazono
urbo
Ĝemelurboj
	Wissen • Ebersbach-Neugersdorf • Neugersdorf • Komunumaro Wissen • Lipová-lázně • Camas • Rohatino vd
Krapkowice (Pollando)
Mapo Mapo
Genitivo de la nomo	Krapkowic
Provinco	Opolio
Distrikto	distrikto Krapkowice
Komunumo	Krapkowice
Speco de komunumo	Urbo-kampa
Koordinatoj	50° 28′ N, 17° 58′ O (mapo)50.46666666666717.966666666667Koordinatoj: 50° 28′ N, 17° 58′ O (mapo)
Areo	21 km²
Loĝantaro	15786 (en 2021)
Loĝdenso	752 loĝ./km²
Poŝtkodo	47-300 oraz dzielnicy Otmęt 47-303
Telefona antaŭkodo	77
Aŭtokodo	OKR
TERYT	5162305024
Estro	Piotr Solloch
Titolo de estro	Urbestro
Adreso de estraro	ul. 3 Maja 17
Poŝtkodo de estraro	47-303
Ĝemelaj urboj	(Germanio) Wissen; (Germanio) Neugersdorf; (Usono) Camas; (Usono) Hillsboro; (Ĉeĥio) Lipová-lázně; (Pollando) Zabierzów; (Ukrainio) Rohatino; (Pollando) Morawica
Komunuma retejo	http://www.krapkowice.pl
	v • d • r

Krapkowice (germane Krappitz) estas urbo en la nuna provinco Opolio de Pollando, kiu laŭ la stato de 2021 havis loĝantaron de 15 786 urbanoj, kio egalas al loĝdenso de 752 homoj/km². Ĝi apartenas al samnoma komunumo en ankaŭ samnoma distrikto Krapkowice kaj troviĝas sur ambaŭ riverbordoj de Odro, sur la iama Sukcena vojo. Ĝis la jaro 1945 la urbo apartenis al Germanio kaj havis germanlingvan loĝantaron, kiu estis forpelita ĝis la jaro 1947. Ĝin anstataŭis poloj el pli orientaj regionoj.

Historio

Jam ekde la bronzepoko, la regiono situis ĉe la Sukcena Vojo, kiu ligis la Baltan Maron kun la Mediteraneo. En la epoko de la Romia Imperio, aparte forte uziĝis la parto de la delto de la rivero Vistulo norde kaj la kastro Carnuntum en la romia provinco Panonio en nuna Aŭstrio sude. Ekde la 3-a/4-a jarcento pruveblas spuroj de ĝermana loĝado, ekde la 9-a jarceto ankaŭ spuroj de slava setlado. Dum la 13-a jarcento ĉe tiu loko en 1204 ekestis slava vilaĝo nomita Chrapkowice, kiu nur estis dumtempa. Inter 1281 kaj 1294 ĉe la sama loko fondiĝis urbeto Crapicz. Ekde 1327 la regiono kiel feŭdo estas parto de la germanlingva Bohemia kronlando kaj la urbo ekde tiu tempo baze germanlingve nomiĝis Krappitz. En 1532 la feŭdo finiĝis kaj la regiono rekte restas parto de la Bohemia kronlando, kiu mem jam ekde 1526 estas parto de la habsburga regno Aŭstrio. En 1742 la urbo kaj regiono kiel parto de Prusa Silezio transiris de la Aŭstra imperio de la Habsburga monarkio al la same germanlingva reĝlando Prusio. Ekde 1816 ĝi estis parto de la loka distrikto Landkreis Oppeln kaj principe en la 19-a jarcento bone evoluis, kvankam incendioj de la jaroj 1841, 1852 kaj 1854 la epidemio de ĥolero en 1866 ankaŭ bremsis la evoluon. En 1871 la urbo kaj regiono kiel la tuta Prusa Silezio kaj reĝlando Prusio kunaliĝis al la Germana Imperiestra Regno, kaj ĝis 1945 restis parto de la Germana Regno, ekde 1918 de la Vajmara Respubliko. Tiam ĝi kiel la tuta Prusa Silezio transdoniĝis al la komunisma Pola Popola Respubliko, la germana loĝantaro estis komplete forpelita ĝis 1946 kaj la urbo per komunisma komisiono por trovo de loknomoj ricevis novan polan nomon Krapkowice, kiu estis inspirita de la historia vilaĝo komence de la 13-a jarcento.