Kretono

Kretono laŭ esperantlingvaj vortaroj kiel PIV aŭ Reta Vortaro estas speco de ŝtofo, do teksaĵo por aparta uzo. Temas pri fortika tolo el kanabo aŭ kotono aŭ lino aŭ lano, uzata precipe por kurtenoj. En kruda formo, blankigite, komplete kolorigite aŭ surpresite per koloraj ornamoj la materialo tamen ankaŭ uzeblas en multaj aliaj kontekstoj, ekzemple por ŝtofa surfaco de mebloj. Laŭ la konciza difino de PIV la plej tipa kretono konsistu el varpo de kanabo kaj el vefto de lino.